• دہشت گردی کیخلاف جنگ ہم نے اپنی اگلی نسل کیلئے جیتنی ہے، وفاقی وزیر داخلہ
  • روسی پارلیمنٹ نے صدارتی انتخابات کے انعقاد کی قراردادمنظورکرلی
  • شمالی کوریائی بحران پرڈونلڈ ٹرمپ کی روس پر تنقید
  • دنیا کی کوئی حکومت یا ملک ہر فرد کو سرکاری ملازمت نہیں دے سکتا، راجہ محمد فاروق حیدر
  • عمران خان کی تھیوری خود انہیں اور نہ کسی اور کو سمجھ آتی ہے، آغا سراج درانی
  • جو لوگ سمجھتے ہیں ایم کیو ایم کا وجود ختم ہوچکاان کو الیکشن میں بڑا دھچکا لگے گا، ڈاکٹر فاروق ستار
  • رکز یا صوبے کی حکومتوں کو حدود کراس نہیں کرنا چاہئیں، خواجہ سعد رفیق
  • پاکستان رینجرز پنجاب کے پنجاب پولیس کے ہمراہ خفیہ اطلاعات کی بنیاد پر سرگودھا اور بھکر میں آپریشنز
  • میاں صاحب نے پارلیمنٹ کو اتفاق فاؤنڈری بنادیا، بلاول بھٹو
  • پیپلز پارٹی کی 27دسمبرکو بینظیر بھٹو کی برسی پر اسپیشل پروازیں چلانے کیلئے درخواست

جس دن اس (سونے، چاندی اور مال) پر دوزخ کی آگ میں تاپ دی جائے گی پھر اس (تپے ہوئے مال) سے ان کی پیشانیاں اور ان کے پہلو اور ان کی پیٹھیں داغی جائیں گی.(سورۃ التوبۃ)آیت نمبر 35

نوازشریف نے منتخب سویلین حکومتوں کے خلاف 10 بار سازشیں کیں، اعتزاز احسن
aitzaz ahsan

اسلام آباد (نیوز ڈیسک) سینیٹ میں قائد حزب اختلاف چوہدری اعتزاز احسن نے کہا ہے کہ نواز شریف کے خلاف کوئی سازش نہیں ہوئی بلکہ انہوں نے منتخب سویلین حکومتوں کے خلاف 10 بار سازشیں کیں۔ یہ سڑکوں پر اپنی ہی حکومت کے خلاف احتجاج نہیں کر رہے بلکہ احتساب عدالت سے بچنا چاہتے ہیں۔

نجی ٹی وی سے گفتگو کرتے ہوئے اعتزازاحسن نے کہاکہ نواز شریف کی ریلی ناکام مگر جلسے کامیاب ہیں۔ وہ قانون کی دیوار توڑ کر اس سے باہر آنا چاہتے ہیں لیکن ان کے پاس بچنے کا کوئی راستہ نہیں ہے۔ وہ بند گلی میں داخل ہو چکے ہیں۔ انہوں نے دس بار سازشیں کیں اور اب یہ مکافاتِ عمل کا سامنا کر رہے ہیں انہوں نے محمد خان جونیجو، بینظیر بھٹو، یوسف رضا گیلانی سمیت مختلف لوگوں کے خلاف سازشیں کیں۔ یہ اپنی پارٹی کے سربراہ کے خلاف سازش کرکے وزیر اعظم بنے اور جب عہدے سے ہٹے تو فاروق لغاری اور سجاد علی شاہ کے ساتھ مل کر سازشیں کیں اور جب دوبارہ وزیر اعظم بن گئے تب بھی سازش سے باز نہیں آئے اور بی بی کو پانچ سال کی سزا کرادی۔ اعتزاز احسن نے کہاکہ جب یہ گرفتار ہوتے ہیں تو این آر او کرکے سعودی عرب چلے جاتے ہیں، پیپلز پارٹی کی حکومت آتی ہے تو یہ چیف جسٹس اور جنرل پاشا کے ساتھ مل کر 15 منٹ میں میمو گیٹ پر کمیشن بنوا لیتے ہیں لیکن جب گیلانی اس سے سروائیو کر جاتے ہیں تو یہ پھر سازش کرتے ہیں۔ انہیں جب بھی موقع ملتا ہے تویہ منتخب حکومتوں کے خلاف سازشیں شروع کردیتے ہیں، انہوں نے سویلین حکومت کے خلاف 10 بار سازشیں کیں۔ انہوں نے کہا کہ نواز شریف کی نا اہلی ان کے خلاف کوئی سازش نہیں بلکہ پاناما پیپرز میں ان کی کرپشن پکڑی گئی ہے انہیں ایک سال ملا لیکن یہ اپنی صفائی میں ایک بھی دستاویز پیش نہیں کر سکے بلکہ سپریم کورٹ میں جعلی دستاویزات جمع کرائیں اور اب یہ مکافاتِ عمل سے بچنے کیلئے سڑکوں پر نکل پڑے ہیں۔ یہ کسی کے خلاف احتجاج نہیں کر رہے بلکہ احتساب عدالت سے بچنا چاہتے ہیں۔

مزید خبریں