• پی سی بی میں نیا ہیڈ کوچ مقرر، نئی امیدوں کے ساتھ
  • امریکہ نے شمالی کوریا سمیت مزید تین ملکوں پر سفری پابندی عائد کر دی
  • امریکا کبھی بھی شمالی کوریا پرحملے کی حماقت نہیں کرے گا،روسی وزیرخارجہ
  • ٹرمپ کے بیان پر سیاہ فام فٹبالرز بھڑک اٹھے
  • ریکارڈ دیکھنے کے لیےسات دن کی مہلت دی جائے، وکیل اسحاق ڈار
  • بلوچستان میں سی پیک منصوبے کے تحت 4 نئی شاہرائیں بنائی جائیں گی
  • نواز شریف پی آئی اے کی پرواز 786کے ذریعے اسلام آباد پہنچ گئے
  • پاکستان میں پہلی بار ایک سپر ہیرو لڑکی کی کومک بک کو فروخت کے لیے پیش کردیا گیا
  • نیا اپوزیشن لیڈر لانے کیلئے ایم کیوایم سے بات کرکے تحریک انصاف نے تھوکا ہوا چاٹا، سید خورشید شاہ
  • وم عاشورپرموبائل سروس معطل کرنے کیلئے حکومت کو درخواست ارسال

جس نے تمہارے لیے زمین کو بچھونا اور آسمان کو چھت بنایا اور آسمان سے پانی اتارا پھر اس سے تمہارے کھانے کے لیے پھل نکالے، سو کسی کو اللہ کا شریک نہ بناؤ حالانکہ تم جانتے بھی ہو۔آیات 286

پاکستان میں پیدا ہوا یہاں پلا بڑھا، یہیں سے کرکٹ شروع کی، عمران طاہر
Imran Tahir

لاہور(اردو ووز)پاکستان کی طرف سے کھیلنا قسمت میں نہیں تھا، اس بات کی بہت خوشی ہے کہ وہ ایک اہم مقصد کے تحت پاکستان آئے، پاکستان کی طرف سے نہ کھیلنے کو تقدیر کا فیصلہ سمجھتاہوں لیکن جنوبی افریقہ کی طرف سے کھیلنے پر وہ فخر ہے۔ ان خیالات کااظہارجنوبی افریقہ کی نمائندگی کرنیوالے پاکستانی نژاد عمران طاہر نے اپنے ایک انٹرویومیں کیا۔ انہوں نے کہاکہ ورلڈ الیون کی طرف سے کھیلنے کے لئے لاہور آئے ہیں۔ یہ وہی شہر ہے جہاں وہ پیدا ہوئے اور فرسٹ کلاس کرکٹ کھیلی۔انڈر 19 اور پاکستان اے میں پاکستان کی نمائندگی کی لیکن قومی کرکٹ ٹیم میں موقع نہ ملنے پرپہلے کاونٹی کرکٹ اور پھر جنوبی افریقہ کی کرکٹ میں قسمت آزمائی کا فیصلہ کیا اور جنوبی افریقہ کی طرف سے بین الاقوامی کرکٹ کھیلنے میں کامیاب ہو گئے۔

انہوں نے کہا کہ آج میں جہاں ہوں اس پر مجھے فخر اور خوشی ہے۔جنوبی افریقہ نے مجھے ٹیسٹ، ون ڈے اور ٹی ٹوئنٹی انٹرنیشنل کھلا کر میرے خوابوں کی تعبیر دی۔ میں پاکستان میں پیدا ہوا یہاں پلا بڑھا اور یہیں سے کرکٹ شروع کی میں پاکستان کی طرف سے کھیلنا چاہتا تھا لیکن یہ میری قسمت میں نہیں تھا۔ میں اکیلا کرکٹر نہیں ہوں بلکہ ایسے کئی کرکٹرز ہیں جو پیدا کہیں ہوئے اور کرکٹ کہیں اور کھیلی۔عمران طاہر کی ایک اور خواہش اپنے خاندان کے سامنے قذافی اسٹیڈیم میں کھیلنے کی تھی جو پوری ہو رہی ہے۔ والدین اب دنیا میں نہیں لیکن بہن بھائی ہیں جن کے سامنے میں تماشائیوں سے بھرے ہوئے قذافی اسٹیڈیم میں کھیلنے کی خواہش رکھتا تھا جو اس سیریز میں پوری ہو سکے گی۔ عمران طاہر کا کہنا ہے کہ پاکستان میں فرسٹ کلاس کرکٹ کھیل کر وہ ایک سخت جان کھلاڑی کے طور پر تیار ہوئے۔ انہوں نے جس زمانے میں کرکٹ کھیلی اس وقت پاکستان کی فرسٹ کلاس کرکٹ میں بہت سخت مقابلہ تھا۔ مجھے پاکستانی ٹیم میں آنے کا موقع نہ مل سکا لیکن میں نے اپنی فرسٹ کلاس کرکٹ سے بھرپور لطف اٹھایا اور اس نے مجھے بہت کچھ سکھایا اور یہ تجربہ مجھے آنے والے دنوں میں کام آیا۔ عمران طاہر کو اس بات کی بہت خوشی ہے کہ وہ ایک اہم مقصد کے تحت پاکستان آئے ہیں۔میں غالباً پہلا کھلاڑی تھا جس نے اس دورے پر آنے کے لئے رضامندی ظاہر کی تھی۔ میں نے اپنے ساتھی کرکٹرز کو بھی اس دورے کے بارے میں مثبت رائے دی۔ میری خواہش ہے کہ پاکستان میں انٹرنیشنل کرکٹ دوبارہ شروع ہو۔عمران طاہر نے قذافی اسٹیڈیم کی وکٹ کے بارے میں جو کچھ معلوم کیا ہے وہ ان کے لئے حوصلہ افزا نہیں۔

میں قذافی اسٹیڈیم کے بارے میں کافی جانتا ہوں لیکن وکٹ کے بارے میں معلومات میرے مطلب کی نہیں کیونکہ یہ بیٹنگ کے لئے سازگار وکٹ بتائی گئی ہے لیکن پھر بھی میں ایک چیلنج سمجھ کر کھیلوں گا کیونکہ میں ہر میچ سے قبل اپنی تیاری ضرور کرتا ہوں اور بھرپور جوش و جذبے کے ساتھ کھیلتا ہوں اگر یہ جذبہ نہیں ہے تو پھر مجھے ریٹائر ہو جانا چاہیے۔ عمران طاہر پاکستان کی موجودہ ٹیم کی صلاحیتوں کے بہت معترف ہیں۔ کہتے ہیں پاکستان ایک اچھی ٹیم ہے جس میں نوجوان کھلاڑی شامل ہیں جنھوں نے چیمپیئنز ٹرافی میں خود کو ثابت کیا ہے۔عمران طاہر پاکستانی لیگ اسپنر شاداب خان سے کئے گئے موازنے کو درست نہیں سمجھتے کہا شاداب بہت ہی باصلاحیت بولر ہیں اور میں ان کے روشن مستقبل کے لئے نیک تمنائیں رکھتا ہوں۔ ہر کسی کے پاس مختلف نوعیت کا ٹیلنٹ ہوتا ہے۔ میں اپنی صلاحیتوں پر یقین رکھتا ہوں اور مجھے یقین ہے کہ میں کھیل کا نقشہ بدل سکتا ہوں جبکہ یہی سوچ شاداب خان کی بھی ہو گی۔

مزید خبریں