• بھارتی کرکٹ ٹیم کے فاسٹ بولر ظہیر خان اور اداکارہ ساگاریکا گھاٹگے نے کورٹ میرج کرلی
  • روہنگیا مسلمانوں کی وطن واپسی کیلئے میانمار اور بنگلہ دیش میں معاہدہ طے پاگیا
  • نواز شریف ایک بار پھر پارلیمنٹ کو تختہ مشق بنا رہے ہیں، نیئر حسین بخاری
  • بم دھماکے کا منصوبہ بلوچستان میں بنایا گیا، دہشت گرد نادر عرف مرشد کے جے آئی ٹی میں انکشاف
  • ویسٹ انڈین پانچ سال تک ہر سال تین ٹی ٹونٹی میچز کے لئے پاکستان آئے گی، چیئرمین پی سی بی
  • عالمی دنیا کشمیر میں ریاستی دہشتگردی پر اپنی بے حسی ختم کرے، وزیر خارجہ خواجہ محمد آصف

جس دن اس (سونے، چاندی اور مال) پر دوزخ کی آگ میں تاپ دی جائے گی پھر اس (تپے ہوئے مال) سے ان کی پیشانیاں اور ان کے پہلو اور ان کی پیٹھیں داغی جائیں گی.(سورۃ التوبۃ)آیت نمبر 35

پاکستانی ٹیم آئندہ سال اسکاٹ لینڈ کا دورہ کرے گی
pakistan cricket team

اسلام آباد(اردو ووز) پاکستانی کرکٹ ٹیم آئندہ برس اسکاٹ لینڈ کا دورہ کرے گی جہاں وہ میزبان ٹیم کے خلاف دو ٹی ٹونٹی بین الاقوامی میچوں کی سیریز کھیلے گی۔دونوں ٹیمیں 10 برس قبل ٹی ٹونٹی میچ میں مدمقابل ہوئیں تھیں جب 2007ء میں منعقدہ ورلڈ ٹی ٹوئنٹی میں شاہد خان آفریدی کی عمدہ آل راؤنڈ کارکردگی کی بدولت گرین شرٹس نے اسکاٹش ٹیم کو 51 رنز سے شکست فاش سے دوچار کیا تھا ٗیہ پہلا موقع ہو گا کہ اسکاٹ لینڈ آئی سی سی کے کسی فل ممبر ملک کے خلاف ٹی ٹونٹی سیریز کی میزبانی کریگا۔

شیڈول کے تحت پاکستان اور اسکاٹ لینڈ کے درمیان پہلا ٹی ٹوئنٹی میچ 12 جون جبکہ دوسرا اور آخری میچ 13 جون کو کھیلا جائے گا۔ پاکستانی ٹیم نے آخری بار 2013ء میں دو ایک روزہ انٹرنیشنل میچوں کی سیریز کیلئے اسکاٹ لینڈ کا دورہ کیا تھا جہاں ایک میچ میں گرین شرٹس 96 رنز سے فتح یاب رہی تھی جبکہ دوسرا میچ بارش کی نذر ہو گیا تھا۔

اسکاٹش ٹیم کے کپتان کائل کوئٹزر نے اپنے بیان میں کہا کہ پاکستان ورلڈ کلاس ٹیم ہے اور ان کے خلاف ٹی ٹوئنٹی سیریز کھیلنا ناصرف کھلاڑیوں بلکہ مداحوں کیلئے بھی بڑی خبر ہے، پاکستان اور انگلینڈ کے خلاف سیریز سے کھلاڑیوں کو بہت کچھ سیکھنے کا موقع ملے گا جس کا ہمیں مستقبل میں فائدہ ہو گا۔

مزید خبریں