ساہیوال ، کار پر پولیس کی مبینہ فائرنگ سے 4 افراد جاں بحق ، تین بچے زخمی              کھیل کے میدان سے افسوسناک خبر اہم ترین عہدیدار نے تنگ آکر استعفیٰ دیدیا              قطر جانے کے خواہشمند افراد کیلئے بڑی خوشخبری آگئی پاکستانی پروفیشنلز اور ہنرمند افراد متوجہ ہوں، پھر نہ کہنا خبر نہ ہوئی              یو اے ای میں رہائش پذیر پاکستانیوں کیلئے دھماکے دار خبر آگئی ، عام تعطیل کا اعلان کردیاگیا              سیاحوں کی بس میں دھماکہ ، ہلاکتیں ، متعدد زخمی ، افسوسناک واقعہ کہاں پیش آیا ؟ جانئے              پارسل بھیجنا ہو تو دورنہ جائیں، اب ڈاکخانے کا عملہ ہی گھر بلا لیں ایسی سہولت متعارف جان کرآپ بھی دانتوں تلے انگلیاں دبا لینگے              باکمال لوگ ، لاجواب سروس کے شاندار اقدام نے شہریوں کے دل جیت لیئے ،جان کر آپ بھی داد دیئے بغیر نہ رہ سکیں گے              اہم ترین ساہم ترین سیاسی رہنما رشتہ ازدوج میں منسلک ہوگئے، لڑکی کون؟ کس بڑی شخصیت کی بیٹی ہیں ؟ جانئےیاسی رہنما رشتہ ازدوج میں منسلک ہوگئے، لڑکی کون؟ کس بڑی شخصیت کی بیٹی ہیں ؟ جانئے              خوفناک حادثے نے سب کو رُلادیا ، ایک ہی خاندان کے 4 افراد جاں بحق ،ہر طرف چیخ وپکار       
تازہ تر ین

تاجکستان پاکستان کے ساتھ دوطرفہ تجارت کو فروغ دینے میں گہری دلچسپی رکھتا ہے، شیرالی ایس جونونوف

اسلام آباد (ویب ڈیسک) تاجکستان پاکستان کے ساتھ دوطرفہ تجارت کومزید فروغ دینے میں گہری دلچسپی رکھتا ہے کیونکہ دونوں ممالک کے درمیان متعدد شعبوں میں باہمی تعاون بڑھانے کے عمدہ مواقع پائے جاتے ہیں۔

ان خیالات کا اظہار تاجکستان کے سفیر جناب شیرالی ایس جونونوف نے اسلام آباد چیمبر آف کامرس اینڈ انڈسٹری کے دورہ کے موقع پر تاجر برادری سے خطاب کرتے ہوئے کیا۔ انہوں نے کہا کہ پاکستان کی تاجر برادری کو چاہیے کہ وہ تاجکستان کا دورہ کر کے وہاں کے ہم منصبوں کے ساتھ کاروباری شراکتیں قائم کریں جس سے وہ سنٹرل ایشیاء کی طرف برآمدات کو بہتر فروغ دینے کے قابل ہوں گے۔شیرالی ایس جونونوف نے کہا کہ پاکستان چینی، ٹیکسٹائل مصنوعات، سیمنٹ ، کھیلوں کا سامان، آلات جراحی، ادویات اور چمڑے کی مصنوعات سمیت متعدد اشیاء تاجکستان کو برآمد کر سکتا ہے لہذا پاکستانی ایکسپورٹرز تاجکستان کے ساتھ کاروبار کے ان ممکنہ مواقعوں سے فائدہ اٹھانے کیلئے کوششیں تیز کریں۔ انہوں نے کہا کہ 2013میں پاکستان کی سیمنٹ کمپنیوں نے تاجکستان کی 60فیصد مارکیٹ پر قبضہ کیا ہوا تھا اور تاجکستان نے پاکستان کی سیمنٹ کمپنیوں کو وہاں سیمنٹ کے پلانٹ لگانے کی دعوت بھی دی تھی لیکن ان کی عدم دلچسپی کی وجہ سے اب چین کی سیمنٹ کمپنیوں نے وہاں کی مارکیٹ پر قبضہ کر لیا ہے۔

انہوں نے کہا کہ تاجکستان جلد ہی پاکستان کے ساتھ دوشانبے سے لاہور براہ راست پروازیں شروع کرے گا جس سے دوطرفہ تجارت اور عوامی روابط کو بہتر فروغ ملنے کی توقع ہے۔ سفیر نے کہا کہ چین سمیت دیگر ممالک کے سرمایہ کارتاجکستان کی مارکیٹ میں گہری دلچسپی لے رہے ہیں لہذا انہوں نے اس بات پر زور دیا کہ پاکستان کے سرمایہ کار بھی تاجکستان میں کاروبار کے مواقع تلاش کرنے پر زیادہ توجہ دیں جس سے وہ سنٹرل ایشیاء کی مارکیٹ تک بہتر رسائی حاصل کر سکیں گے۔ انہوں نے کہا کہ چیمبر اپنا ایک وفد تاجکستان لے جانے پر غور کرے اور دوشانبے میں پاکستانی مصنوعات کی نمائش منعقد کرنے کی کوشش کرے جس سے پاکستان کی برآمدات کو بہتر فروغ ملے گا۔ انہوں نے اس موقع پر تاجر برادری کو کاسا 1000منصوبے پر جاری کام کی صورتحال کے بارے میں بھی بتایا۔ انہوں نے یقین دہانی کرائی کہ ان کا سفارتخانہ چیمبر کے وفد کو تاجکستان کا دورہ کرنے میں ہرممکن تعاون کرے گا۔ اس موقع پر اپنے خیالات کا اظہار کرتے ہوئے اسلام آباد چیمبر آف کامرس اینڈ انڈسٹری کے صدر احمد حسن مغل نے کہا کہ تاجکستان سنٹرل ایشیاء میں داخلے کیلئے ایک گیٹ وے کا درجہ رکھتا ہے اور پاکستان اس کے ساتھ مضبوط تعاون کو فروغ دینا چاہتا ہے تا کہ تجارت و برآمدات کو بہتر فروغ دیا جا سکے۔ انہوں نے کہا کہ تاجکستان پانی سے بجلی پیدا کرنے کی عمدہ صلاحیت رکھتا ہے اور پاکستان اس شعبے میں تاجکستان کے ساتھ تعاون بڑھا کر اپنی معیشت کیلئے فائدہ مند نتائج حاصل کر سکتا ہے۔ انہوں نے کہا کہ پاکستان اور تاجکستان کو چاہیے کہ وہ روڈ، ریلوے اور ہوائی روابط کو فروغ دینے پر توجہ دیں جس سے دونوں ممالک کے درمیان کاروبار و سرمایہ کاری کو فروغ دینے میں سہولت ہو گی۔انہوں نے کہا کہ سی پیک منصوبے نے پاکستان میں غیر ملکی سرمایہ کاروں کیلئے عمدہ مواقع پیدا کر دیئے ہیں لہذا تاجکستان کے سرمایہ کار سی پیک سمیت پاکستان کی معیشت کے مختلف شعبوں میں جوائنٹ وینچرز و سرمایہ کاری پر توجہ دیں۔ اسلام آباد چیمبر آف کامرس اینڈ انڈسٹری کے سینئر نائب صدر رافعت فرید اور نائب صدر افتخار انو ر سیٹھی نے کہا کہ پاکستان سنٹرل ایشیاء کی مارکیٹ پر زیادہ توجہ مرکوز کر رہا ہے اور تاجکستان کے ساتھ قریبی تعاون فروغ دے کر ان مقاصد کو بہتر طور پر حاصل کیا جا سکتا ہے۔ انہوں نے یقین دہانی کرائی کہ چیمبر اپنا ایک وفد تاجکستان لے جانے پر غور کرے گا تا کہ وہاں کی تاجر برادری کے ساتھ براہ راست ملاقاتیں کر کے باہمی تعاون کے نئے مواقع تلاش کئے جا سکیں۔

مزید خبر یں

کراچی (نیوزڈیسک)بین لاقوامی گولڈمارکیٹ میں فی اونس سونے کی قیمت میں8ڈالرکی کمی تاہم مقامی صرافہ مارکیٹوں میںسونے کی قیمتوں میں استحکام رہا۔آل کراچی صراف اینڈجیولرزایسوسی ایشن کے مطابق بین الاقوامی گولڈ مارکیٹ میں فی اونس سونے کی قیمت میں8ڈالرکی کمی ریکارڈ کی گئی ،جس کے نتیجے ... تفصیل

کراچی (نیوزڈیسک)انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں2پیسے کااضافہ،اوپن کرنسی مارکیٹ میں امریکی ڈالر کی قیمت میں استحکام جبکہ روپے کے مقابلے میں برطانوی پاﺅنڈ اور چینی یوآن کی قیمتیں اضافے کے بعدبلندترین سطح پرپہنچ گئیں۔فاریکس ایسوسی ایشن آف پاکستان ... تفصیل

کراچی(نیوزڈیسک)اسٹیٹ بینک آف پاکستان نے کہاہے کہ متحدہ عرب امارات کی مالی معاونت تاحال موصول نہ ہوسکی جب کہ زرمبادلہ کے مجموعی ذخائر 13 ارب 48 کروڑ 92 لاکھ ڈالر کی سطح پر آگئے۔مریزی بینک کی رپورٹ کے مطابق ملکی زرِمبادلہ کے ذخائر میں کمی کا ... تفصیل