سرکاری درس گاہوں میں 12ویں تک نیا نصاب پڑھانے کا فیصلہ       
تازہ تر ین

وزیراعظم کا دورہ چین سے دونوں ممالک کے درمیان تعلقات میں مزید گرمجوشی اور روابط بڑھیں گے ،مذہب کی آڑ میں تخریب کاری کرنا عوام کی املاک کو نقصان پہنچانا قابل مذمت ہے،سینیٹر شبلی فراز

pakistan and china

اسلام آباد (ویب ڈیسک) سینیٹ میں قائد ایوان سینیٹر شبلی فراز نے کہا ہے کہ وزیراعظم کا دورہ چین کامیاب رہا‘ جس ملک کے 99 فیصد لوگ مسلمان ہوں جبکہ آئین و قانون‘ قرآن و حدیث کے مطابق ہو‘ وہاں مذہب کی آڑ میں تخریب کاری کرنا عوام کی املاک کو نقصان پہنچانا قابل مذمت ہے۔ پیر کو پارلیمنٹ ہاؤس کے باہر میڈیا سے گفتگو کرتے ہوئے سینیٹر شبلی فراز نے کہا کہ وزیراعظم کا سعودی عرب کے بعد دورہ چین بھی انتہائی کامیاب رہاہے۔ انہوں نے کہا کہ وزیراعظم کے دورہ چین سے دونوں ممالک کے درمیان تعلقات میں مزید گرمجوشی اور روابط بڑھیں گے۔ انہوں نے کہا کہ جس ملک کے عوام 99 فیصد مسلمان ہوں‘ جبکہ آئین و قانون‘ قرآن و حدیث کے مطابق ہو وہاں مذہب کی آڑ میں تخریب کاری کرنا عوام کی املاک کو نقصان پہنچاناقابل مذمت ہے۔

انہوں نے کہا کہ عوام کی جان و مال کا تحفظ کرنا ریاست کی ذمہ داری ہے جو کچھ ہوا اس حوالے سے مستقبل کا لائحہ عمل طے کرنا ہے کہ پاکستان کے اداروں اور حکومت کو اقدامات کرنے چاہئیں تاکہ مستقبل میں مذہب کی آڑ میں عوام کی املاک کو نقصانات سے بچایا جاسکے۔میڈیا سے گفتگو کرتے ہوئے وزیراعظم کے معاون خصوصی برائے سیاسی امور نعیم الحق نے کہا ہے کہ کرپشن کرنے والوں کا تعلق کسی بھی جماعت سے ہو ان کا کڑا احتساب ہوگا‘ چین نے پاکستان کو معاشی معاملات میں تعاون کی یقین دہانی کرائی ہے ۔ انہوں نے کہا کہ چوری کرنے والوں کو معاف نہیں کیا جائے گا بلکہ ایسے لوگوں کو بے نقاب کیا جائے گا‘ قوم کا پیسہ قوم کو ملنا چاہیے۔ انہوں نے کہا کہ وزیراعظم کا دورہ چین کامیاب رہا ہے ۔ انہوں نے کہا کہ ڈالر کے حوالے سے دونوں ممالک نے مقامی کرنسی میں تجارت کی اہمیت پر زور دیا ہے تاکہ ڈالر کے دباؤ کو کم کیا جاسکے۔ انہوں نے کہا پاکستان کو معاشی بحران سے نکالنے کے لئے نئی راہیں تلاش کی جائیں گی۔ علاقائی کرنسی میں تجارت اس سلسلے کی ایک کڑی ہے۔ ایک سوال کے جواب میں انہوں نے کہاکہ دھرنے کے دوران نقصان کرنے والوں کو پاکستان کے آئین کے مطابق سزا دی جائے گی۔

مزید خبر یں

کراچی (نیوز ڈیسک)پاکستان اسٹاک مارکیٹ گذشتہ ہفتے مجموعی طور پر مندی کی لپیٹ میں رہی ،کے ایس ای100انڈیکس600پوائنٹس گھٹ گیا جس سے انڈیکس 38900پوائنٹس سے کم ہو کر38300پوائنٹس کی کم سطح پر بند ہوا ،مندی کے سبب مارکیٹ میں سرمایہ کاروں کے1کھرب12ارب روپے سے زائدڈوب گئے ... تفصیل

کراچی(نیوز ڈیسک)اسٹیٹ بینک کے اعدادو شمار کے مطابق رواں مالی سال کے پہلے 7 ماہ میں غیرملکی سرمایہ کاروں نے اسٹاک مارکیٹ سے 40 کروڑ 89 لاکھ ڈالر کا سرمایہ نکال لیا، جب کہ گزشتہ مالی سال کے مقابلے میں رواں سال جولائی تا جنوری مجموعی ... تفصیل

کراچی(نیوزڈیسک)مقامی کاٹن مارکیٹ میں گزشتہ ہفتہ کے دوران ٹیکسٹائل و اسپننگ ملز نے روئی کی خریداری بڑھادی ہے جبکہ جنرز نے بھی اسٹاک میں رکھی ہوئی روئی فروخت کرنا شروع کردی جس کے باعث کاروباری حجم میں نسبتاً اضافہ ہوگیا جبکہ روئی کے بھاﺅ میں بھی ... تفصیل