لاہور ہائیکورٹ : جنگ جیو گروپ کے مالک میر شکیل الرحمن کی ضمانت پر رہائی کی درخواست مسترد
سپریم کورٹ کا کورونا وائرس کے باعث رہا قیدیوں کی دوبارہ گرفتاری کا حکم
پاکستان میں کورونا متاثرین کی تعداد4000 سے متجاوز، پنجاب کے کیسز 2000 سے بڑھ گئے
طالبان نے قیدیوں کے تبادلے پر افغان حکومت کے ساتھ مذاکرات ختم کردیے
ایف آئی اے نے جہانگیر ترین، خسرو بختیار اور شریف برادران کی شوگر ملز سے ریکارڈ طلب کرلیا
سپریم کورٹ کا تفتان، چمن اور طورخم بارڈر پر دو ہفتوں میں قرنطینہ مراکز قائم کرنے کا حکم
گندم بحران: وزیرخوراک پنجاب سمیع اللہ چوہدری نے استعفیٰ دے دیا
دنیا بھر میں کورونا کے مریض 13 لاکھ کے قریب، ہلاکتیں 69 ہزار سے زائد
تازہ تر ین

کورونا وبا نے پاکستان سے یورپ کو ٹیکسٹائل کی برآمدات پر مہلک ضرب لگا دی

کراچی (نیوزڈیسک)عالمی اور قومی سطح پرانسانی جانوں پر خطرناک اثرات کے بعد کورونا وبا نے خاص طور پر پاکستان سے یورپ کو ٹیکسٹائل کی برآمدات پر ایک مہلک ضرب لگا دی ہے اوریورپ کے خریداروں نے پاکستانی ٹیکسٹائل ایکسپورٹرزکو ایکسپورٹ شپمنٹس ترسیل میں تاخیر کرنے کے لئے رابطہ کیا ہے کیونکہ یورپ میں کورونا کی وبا بہت تیزی سے پھیل چکی ہے جس کی وجہ بین الاقوامی سرحدیں بند کردی گئی ہیں۔متعدد برآمد کنندگان نے مطلع کیا ہے کہ ان کے یورپی خریداروں نے کچھ برآمدی آرڈر منسوخ بھی کردیئے ہیں۔ یورپین یونین پاکستان کا دوسرا سب سے بڑا تجارتی شراکت دار ہے جہاں پاکستانی برآمد کنندگان جی ایس پی پلس سہولت کے تحت ڈیوٹی فری رسائی اور ترجیحی محصولات کے تحت ایکسپورٹ کرتے ہیں۔ اطلاعات کے مطابق یورپین خریداروں نے پاکستانی ٹیکسٹائل ایکسپورٹرز کو ایکسپورٹ کی مصنوعات کی تیاری کی رفتار میں کمی کرنے کو کہا ہے۔لہٰذا ایکسپورٹرز کو انتہائی غیر یقینی صورتحال کا سامنا ہے اور ایکسپورٹ آرڈرز کی منسوخی کا خدشہ بھی برقرار ہے۔موجودہ تشویشناک حالات کا تقاضا کرتے ہیں کہ ویلیو ایڈڈ ٹیکسٹائل ایکسپورٹ سیکٹر کی بقا کی خاطر حکومت فوری طور ضروری اقدامات اٹھائے اوران مشکل حالات میں برآمدی صنعتوں کے تحفظ کے لئے فوری ریلیف کا اعلان کرے۔ یہ بات محمد جاوید بلوانی، چیئرمین پاکستان اپیریل فورم اورچیف کوآرڈینیٹر پاکستان ہوزری مینوفیکچررز اینڈ ایکسپورٹرز ایسوسی ایشن کے چیف کوآرڈینیٹر پریس و میڈیا کو بیان میں کہی۔جاویدبلوانی نے بیان دیا کہ برآمد کنندگان نے تشویش کا اظہار کیا ہے کہ شپمنٹ میں تاخیر سے برآمدات کی انوینٹری کا انبار لگ جائے گا اور شپمنٹ کی تصدیق ہونے تک اسٹوریج پر اضافی اخراجات کا سامنا کرنا پڑے گا۔ علاوہ ازیں کنٹینرز کی قلت کے باعث ایکسپورٹ انڈسٹری کو مصنوعات کی ایکسپورٹ کی خاطر کنٹینرز بھی دستیاب نہیں ہیں۔ایکسپورٹ شپمنٹ میں تاخیر کی وجہ سے ایکسپورٹرز کو ایل سی کے تحت پے منٹس بھی تاخیر کا شکار ہو رہی ہیں جس کی وجہ سے برآمد کنندگان کے مالی دباو¿ میں کئی گنا اضافہ ہوجائے گا۔ ایکسپورٹرز پہلے ہی سیلز ٹیکس ریفنڈ، کسٹم ریبٹ، ود ہولڈنگ ٹیکس، ڈی ڈی ٹی اور ڈی ایل ٹی ایل میں برآمد کنندگان کے اربوں روپے کی بقایا ادائیگیوں میں حکومتی تاخیر کی وجہ سے شدید لیکویڈیٹی بحران کا سامنا کررہے ہیں۔عالمی سطح پر کئی ممالک میں حکومتوں نے ریلیف پیکج کا اعلان کیا ہے جس میں کیش سبسڈیز دی جا رہی ہیں، شرح سود صفر کردی گئی ہے اور ٹیکسوں میں چھوٹ دی جارہی ہے۔سنگین عالمی اور قومی منظرنامے فوری تقاضا کر رہے ہیں کہ حکومت پاکستان بھی ایکسپورٹرز کو فوری ریلیف فراہم کرے اورجلد ازجلدایکسپورٹرز کے سیلز ٹیکس ریفنڈز کلیمزکی فوری ادا کرے اور ماضی کازیرو ریٹنگ نو پے منٹ نو ریفنڈ سیلز ٹیکس نظام بحال کرے۔

مزید خبر یں

کراچی (نیوزڈیسک)عالمی مارکیٹ میں منگل کو سونے کی فی اونس قیمت میں16ڈالر کے اضافہ ریکارڈ کیا گیا جس کے زیر اثر مقامی طور پر بھی سونے کی فی تولہ قیمت 400روپے کے اضافے سے 97ہزارروپے کی بلند ترین سطح پر پہنچ گئی ۔آل کراچی صراف اینڈ ... تفصیل

کراچی (نیوزڈیسک)پاکستان اسٹاک ایکس چینج میں ایک روزہ مندی کے بعد منگل کو ریکوری آئی اور سرمایہ کاروں کی جانب سے منافع بخش کمپنیوں کے شیئرز کی خریداری کے باعث کے ایس ای100انڈیکس31ہزار کی نفسیاتی حد بحال ہوگئی۔ کاروبار کا آغاز مثبت زون میں ہوا اور ... تفصیل

کراچی (نیوزڈیسک)مقامی کرنسی مارکیٹوں میں منگل کو پاکستانی روپے کے مقابلے میں امریکی ڈالر بڑھ کر168روپے کی بلند سطح پر پہنچ گیا ۔تفصیلات کے مطابق انٹر بینک میں منگل کو پاکستانی روپے کے مقابلے میں امریکی ڈالر1.12روپے کے اضافے سے168.10روپے کی بلند سطح پر پہنچ گیا ... تفصیل