پاکستان میں کورونا سے 12 افراد جاں بحق ،متاثرہ افراد کی تعداد 1500 سے تجاوز کر گئی
پاکستان کا سرحدیں مزید 2 ہفتے کے لیے بند کرنے کا اعلان
وفاقی حکومت کاکورونا وائرس کے کیسز کی تعداد کے بعد لیبارٹریز کی تعداد 14 سے بڑھا کر24 تک لے جانے کا فیصلہ
وفاقی حکومت کا ملکی معیشت کیلئے ضروری صنعتوں کو جاری رکھنے کا فیصلہ
کورونا وائرس: چین سے طبی سامان اور ماہر ڈاکٹرز کی ٹیم پاکستان پہنچ گئی
آزاد کشمیر میں بھی کورونا وائرس کے پیش نظر مساجد میں نماز ادا کرنے پر پابندی عائد کردی گئی
کورونا وائرس، دنیا میں 27 ہزار سے زائد ہلاکتیں، 597,258 متاثر
وزیر اعظم کے معاون خصوصی زلفی بخاری کا زائرین سے متعلق الزام پر خواجہ آصف کے خلاف عدالت جانے کا اعلان
آزا د کشمیر ،گلگت بلتستان سمیت ملک بھر میں گڈز ٹرانسپورٹ کو مکمل اجازت دینے کا فیصلہ
تازہ تر ین

ذیابیطس میں مبتلا ہر دو میں سے ایک شخص عدم تشخیص کے باعث بیماری سے لا علم ہیں، طبی ماہرین

Diabetes

اسلام آباد (نیوزڈیسک) دنیا بھر میں ذیابیطس کا عالمی دن جمعرات کو منایا جائیگا۔ یہ عالمی سطح پرایک آگاہی مہم ہے جو ذیابیطس پر مرکوز ہے اور ہر سال 14 نومبر کو منعقد کی جاتی ہے۔ شفا انٹرنیشنل ہسپتال نے اس دن کی مناسبت سے آج بدھ کو ایک آگاہی سیمینار کا اہتمام کیا۔مہمانِ خصوصی سینیٹر خوش بخت شجاعت (چیئرپرسن،سینیٹ قائمہ کمیٹی برائے نیشنل ہیلتھ سروسز ریگولیشن اینڈ کوآرڈینیشن) نے ذیابیطس کے عالمی دن کی مناسبت سے منعقدہ سیمینار سے خطاب کرتے ہوئے کہا کہ سال 2019میں اس دن کا موضوع ذیابیطس کے اثرات ،دیکھ بھال اور روک تھام کے حوالے سے آگاہی فراہم کر کے اپنے خاندان کی حفاظت کرنا ہے۔ انہوں نے غیر فعال طرز زندگی،مضر صحت غذا کھانے کی عادات، ورزش اور جسمانی سرگرمی کی کمی کے حوالے سے ذیابیطس کے مریضوں کومعلومات فراہم کرنے کی ضرورت پر زور دیا، جو ذیابیطس کے پھیلاﺅ کو روکنے کےلئے متوقع قابو پائے جانے والے عوامل میں شامل ہیں۔شفا انٹرنیشنل ہسپتال کے کنسلٹنٹ اینڈو کرینولوجسٹ ڈاکٹر اسامہ اشتیاق نے کہا کہ، پاکستان میں ذیابیطس کا مجموعی طور پر پھیلاﺅ 19 فیصد ہے اور اس وقت عالمی سطح پر52کروڑ20لاکھ سے زائد افراد ذیابیطس کے ساتھ زندگی گزار رہے ہیں۔ ان میں سے زیادہ تر مریض ٹائپ ٹو ذیابیطس کے ہیں، ذیابیطس کی ٹائپ ٹو قسم پر باقاعدہ ورزش، صحت مند اور متوازن غذا، اور صحت مندانہ ماحول کو فروغ دے کر بڑے پیمانے پر قابو پایا جا سکتا ہے۔ ٹائپ 2ذیابیطس میں مبتلامریضوں کے خاندان ذیابیطس سے بچاﺅ کیلئے ان خطرناک عوامل سے نمٹنے میں کلیدی کردار ادا کرسکتے ہیں جو قابل اصلاح ہیں اور ان مریضوں کومناسب ماحول فراہم کر کے صحت مند طرز زندگی اپنانے اور ذیابیطس کے حوالے سے ہر ممکنہ آگاہی حاصل کرنے پر ابھار سکتے ہیں۔ لیکن ٹائپ 1 ذیابیطس سے بچاﺅممکن نہیں ہے لیکن انسولین کے انجیکشن کے ذریعہ ان پر وقتی قابو پایا جاسکتا ہے۔شفا انٹرنیشنل ہسپتال کے کنسلٹنٹ اینڈو کرینولوجسٹ، ڈاکٹر عمر یوسف راجہ خان نے وضاحت کی کہ، ذیابیطس ایک دائمی بیماری ہے جو اس وقت ہوتی ہے جب لبلبہ انسولین بنانے کے قابل نہیں رہتا ہے، یا جب جسم انسولین کا بہتر استعمال نہیں کرسکتا ۔ طویل مدت تک گلوکوز کی وہ سطح جو عام سطح سے تجاوز کر جائے، جسم کیلئے نقصان دہ ہے اور مختلف اعضاءاورخلیوں پر مضر اثرات مرتب کر سکتی ہے۔ ذیابیطس، دل کی بیماری، فالج، نابینا پن، گردے کی خرابی، اور اعضاءکے کاٹے جانے کا بھی ایک اہم سبب بن سکتی ہے۔ذیابیطس میں مبتلا ہر دو میں سے ایک شخص عدم تشخیص کے باعث اس بیماری سے لا علم ہے۔ زیادہ ترمریض ٹائپ ٹو ذیابیطس سے متاثر ہوتے ہیں۔ انہوں نے بتایا کہ ابتدائی تشخیص اور علاج، ذیابیطس کی پیچیدگیوں سے بچنے اور صحت مند نتائج کے حصول کےلئے بہت اہم ہیں۔

مزید خبر یں

برلن(نیوزڈیسک)سائنسدانوں نے انکشاف کیا ہے کہ دنیا بھر میں کروڑوں بلکہ اربوں افراد اپنی غذا میں ایک ایسی غلطی روز کرتے ہیں جو بلڈپریشر ہی نہیں بلکہ مدافعتی نظام کو بھی کمزور کردیتی ہے۔اور یہ ہے کہ کھانے میں زیادہ مقدار میں نمک کا استعمال۔میڈیارپورٹس کے ... تفصیل

واشنگٹن (نیوزڈیسک)نئے نوول کورونا وائرس سے ہونے والی بیماری کووڈ 19 کے سنگین کیسز کے علاج کے لیے ایک نئی رپورٹ سے مثبت پیشرفت کی توقع پیدا ہوئی ہے۔طبی جریدے جرنل آف دی امریکن میڈیکل ایسوسی ایشن شائع تحقیق میں چین کے ہسپتال میں قریب المرگ ... تفصیل

نیویارک (نیوزڈیسک)وبائی امراض کے ماہر امریکی سائنسدان انتھونی فاؤچی نے کہا ہے کہ کورونا وائرس سے صحتیاب شخص کیلئے 100 فیصد نہیں کہہ سکتے کہ یہ دوبارہ متاثر نہیں ہوگا۔امریکی سائنسدان ڈاکٹر انتھونی فاؤچی نے ایک انٹرویو کے دوران خبردار کیا کہ کورونا وائرس انتہائی تیزی ... تفصیل