محکمہ داخلہ نے مریم نواز ،ذاتی معالج ڈاکٹر عدنان کو نواز شریف سے ملاقات کی اجازت دیدی              یوم پاکستان پریڈ ،چار گھنٹے کیلئے اسلام آباد کی فضائی حدود بند کرنے کا فیصلہ              ایشیائی ترقیاتی بینک نے پاکستان کو قدرتی آفات سے بچاوکیلئے 15 کروڑ روپے کی گرانٹ فراہم کردی              بلاول بھٹو کوغداروطن قراردینے کے مطالبے کی قرارداد جمع              مقبوضہ کشمیر میں بھارتی فوج کی فائرنگ سے بچے سمیت 7 کشمیری شہید              مريم نواز کی کل جيل کے باہر دھرنا دينے کی دھمکی              کر اچی:مفتی تقی عثمانی کے قافلے پر فائرنگ ،2افراد جاں بحق              پاکستان پیپلز پارٹی کا نیشنل ایکشن پلان پر حکومتی بریفنگ کے بائیکاٹ کا فیصلہ              اٹک میں گھر کی چھت گرنے سے 6افراد جا ں بحق       
تازہ تر ین

اللہ تعالیٰ نے مجھے یہ بتانا چاہا ہے کہ اس کی حقیرسی مخلوق بھی بہترین شفاء دے سکتی ہے

ہر چیز کے بنانے میں اللہ تعالیٰ کی حکمت ہے

حکایت بیان کی جاتی ہے کہ ایک شخص نے گبرونداد یکھ کر کہا: یہ بری مخلوق ہے۔ نہ اس کی شکل اچھی ہے اور نہ ہی اس کی بو پاک ہے۔ اس کو پیدا کرنے میں اللہ تعالیی پتا نہیں کیا حکمت تھی۔ اس کے بعد اللہ تعالیٰ نے اس کو ایک ایسے زخم میں مبتلاء کر دیا ۔ کہ اس کے علاج سے تمام حکیم عاجز آگئے۔ اور وہ مایوس ہو گیا۔ اسی دورا ن اس نے ایک کاہن شخص کی آواز سنی جو گلیوں میں آواز دے رہا تھا۔ تو بیمار نےکہا: اس کو میرے پاس بلا کر لاؤ تاکہ وہ میرا زخم دیکھ سکے۔ لوگ کہنےلگے:

            تو اس کاہن  کو کیا کرے گا؟ جبکہ تیرے علاج سے بڑے ماہر طبیب عاجز آگئے ہیں۔ اس بیمار نے کہا: اس کا میرے پاس آنا بہت ضروری ہے۔ بالاخر لوگ اس کو بلا لائے ۔ جب اس نے زخم دیکھا تو کہنے لگا: ایک گبروندا لاؤ۔ لوگ ہنسنے لگے۔ اس نے لوگوں سے کہا: جو اس کا ہن نے مانگا ہے وہ حاضر کرو ۔ کیونکہ یہ آدمی اپنے کام میں بصیرت رکھتا ہے ۔ چنانچہ لوگوں نے گبروندا اس کے سامنے حاضر کر دیا۔ اسنے اس کو آگ میں جلا کر اس کی خاک اس کے زخم پر لگائی تو اللہ تعالیٰ کے حکم سے وہ تندرست ہو گیا ۔ اس کے بعد بیمار حاضرین سے کہنے لگا:

            اے لوگو یہ بات جان لو ۔ کہ اللہ تعالیٰ نے مجھے یہ بتانا چاہا ہے کہ اس کی حقیرسی مخلوق بھی بہترین شفاء دے سکتی ہے۔ اللہ حکمت والا اور خبر رکھنے والا ہے۔

(علامہ شہاب الدین قلیوبیؒ)