محکمہ داخلہ نے مریم نواز ،ذاتی معالج ڈاکٹر عدنان کو نواز شریف سے ملاقات کی اجازت دیدی              یوم پاکستان پریڈ ،چار گھنٹے کیلئے اسلام آباد کی فضائی حدود بند کرنے کا فیصلہ              ایشیائی ترقیاتی بینک نے پاکستان کو قدرتی آفات سے بچاوکیلئے 15 کروڑ روپے کی گرانٹ فراہم کردی              بلاول بھٹو کوغداروطن قراردینے کے مطالبے کی قرارداد جمع              مقبوضہ کشمیر میں بھارتی فوج کی فائرنگ سے بچے سمیت 7 کشمیری شہید              مريم نواز کی کل جيل کے باہر دھرنا دينے کی دھمکی              کر اچی:مفتی تقی عثمانی کے قافلے پر فائرنگ ،2افراد جاں بحق              پاکستان پیپلز پارٹی کا نیشنل ایکشن پلان پر حکومتی بریفنگ کے بائیکاٹ کا فیصلہ              اٹک میں گھر کی چھت گرنے سے 6افراد جا ں بحق       
تازہ تر ین

تحقیق میں نے یہ سارا غلہ مدینہ منورہ کے فقراء کے لئے صدقہ کردیاہے

امیر المومنین حضرت عثمان غنی ؓ کی سخاوت

             حضرت ابن عباسؓ سے روایت ہےکہ ایک مرتبہ مدینہ منورہ میں سخت قحط پڑا۔ ملک شام سے ایک قافلہ غلہ لےکر حضرت عثمان ؓ کی خدمت میں حاضر ہوا۔ تو مدینہ کے تاجر لوگ غلہ خریدنے کے لئے  آپ کےپاس حاضر ہوئے ۔ آپ نے ان تاجروں سے فرمایا: تم مجھے کتنا نفع دو گے؟ تاجروں نے عرض کیا : ہم ہر دس درہم پر دو درہم آپ کو نفع دیں گے۔ آپ نے فرمایا: مجھے اس سے بھی زیادہ نفع دو۔ تاجروں نے عرض کیا ہم مدینہ منورہ کے رہنے ولاے ہیں۔ ہم کو زیادہ نفع کون دے گا؟ حضرت عثمان ذوالنورین ؓ نے فرمایا بے شک اللہ تعالیٰ مجھے ایک درہم کے بدلے دس درہم نفع دے گا۔ تحقیق میں نے یہ سارا غلہ مدینہ منورہ کے فقراء کے لئے صدقہ کردیاہے۔

            حضرت ابن عباس ؓ فرماتے ہیں۔ میں نے رسول ؐ کو خواب میں دیکھا، اس حال میں کہ آپ ابلق گھوڑے پر سوار ہیں۔ آپ ؐکےجسم پاک  پر نور کی ریشمی چادر ہے چنانچہ میں نے عرض کیا۔ یارسول ؐ میں آپ کا مشتاق ہوں۔

            سرکارد و عالمؐ نے فرمایا : اے ابن عباس ؓ حضرت عثمان ؓ نے صدقہ کیا ہے اور اللہ تعالیٰ نے وہ صدقہ قبول فرمالیاہے۔ اور جنت میں ایک دلہن سے ان کا نکاح کیا ہے اور میں وہاں دعوت پر جارہا ہوں۔

(علامہ شہاب الدین قلیوبیؒ)