حمزہ شہباز کو چیئرمین پبلک اکاونٹس کمیٹی نہ بنانے پر مسلم لیگ (ن )کا احتجاج کا فیصلہ              سپریم کورٹ آف پاکستان کااورنج لائن ٹرین منصوبہ 20 مئی تک مکمل کرنے کا حکم              وفاقی کابینہ کمیٹی برائے توانائی کارمضان المبارک میں سحر اور افطار کے دوران لوڈ شیڈنگ نہ کرنے کا فیصلہ              محکمہ تعلیم بلوچستان نے 549 اساتذہ معطل کردیئے       
تازہ تر ین

حضرت وہب ؓ نے فرمایا کہ چار سو کتابیں نازل فرمائی ہیں

پریشانی اور مصیبت کو دور کرنے کی دعا

            حضرت ابن عباس ؓ نے وہب بن منبہ ؓ سے پوچھا کہ وہ کتنی کتابیں ہیں جو اللہ تعالیٰ نے اپنے انبیاء کرام پر نازل فرمائی ہیں؟ حضرت وہب ؓ نے فرمایا کہ چار سو کتابیں نازل فرمائی ہیں۔ پھر حضرت ابن عباس ؓ نے پوچھا کہ ان میں سے کچھ کتابیں اٹھالی گئیں ہیں۔ حضرت وہب ؓ نے جواب دیا کہ ہاں ، ان میں سے بارہ کتابیں اٹھا لی گئیں ہیں۔ حضرت ابن عباس ؓ نے فرمایا کہ آپ نے ان میں سے کتنی کتابیں پڑھی ہیں؟

            حضرت وہب  ؓ نے فرمایا کہ جو باقی بچ گئیں میں نے ان سب کا مطالعہ کیا ہے۔ حضرت ابن عباس ؓ نے فرمایا کہ کیا آپ نے ان کتابوں میں سے کوئی دعا بھی پڑھی ہے جو پریشانی اور مصائب کو دور کرنے میں فائدہ مند ہو۔

            حضرت وہب ؓ نے فرمایا ہاں، میں نے ان کتب میں نافع مند اورکافی شافی دعا اس شخص کےلئے پائی ہےجس کی نیت صاف ہو۔ اے اللہ عزوجل اور اے وہ ذات جو سوال کرنے والوں کی حاجتوں کی مالک ہے اور خاموش او ر بے زبان جانوروں کے دلوں کےبھید وں کو جانتی ہے۔ بے شک تیرے لیے سوال میں شنوائی حاضر ہے اور جواب موجود ہے اور بے شک تیرے لیے ہر خاموش کے لئے علم محیط ہے اور تیرے وعدے پکے اور تیرے احسانات بزرگ ہیں اور تیری رحمت وسیع ہے۔ حضرت وہب بن  منبہ ؓ نے فرمایا کہ میں نے اس دعا کو کئی مرتبہ آزمایا لیکن کامل پایا۔ میں نےاس دعا کی حسن و خوبی کے برابر کسی دعا کو نہیں پایا۔

(علامہ شہاب الدین قلیوبیؒ)