لورالائی میں سیکورٹی فورسز کا آپریشن ،کالعدم تحریک طالبان پاکستان کا اہم کمانڈر 4ساتھیوں سمیت ہلاک              حکومت کا شہبازشریف کا نام ای سی ایل سے نکالنے کےفیصلے کو سپریم کورٹ میں چیلنج کرنے کا فیصلہ              وزیر پٹرولیم نے گیس کی قیمتوں میں مزید اضافے کا عندیہ دے دیا              پاکستان نے غیرملکی سیاحوں کے ویزے کیلئے این اوسی کی شرط ختم کردی              منی لانڈرنگ کیس منتقلی کیخلاف اپیل، آصف زرداری کو جواب الجواب جمع کرانے کا حکم              لاہور ہائیکورٹ کا شہباز شریف کا نام ای سی ایل سے خارج کر نے کا حکم              سپریم کورٹ نے نواز شریف کی درخواست ضمانت منظور کر لی       
تازہ تر ین

چار شخصیات پر مکڑی نے جالا تنا

چار شخصیات پر مکڑی نے جالا تنا

کہاجاتا ہے کہ چار ہستیوں پر مکڑی نے جالا تناہے ۔ ان میں سے ایک ذات نبی اکرم ؐ کی ہے جب آپ ؐ حضرت ابوبکرؓ کےساتھ غار میں تھے۔

            اور دوسرے حضرت عبداللہ بن انیس ؓ جب نبی اکر م ؐ نے ان کو بعض مشرکین کو قتل کرنے کے لئے روانہ کیا تھا اور عبداللہ ؐ  نے ان مشرکین کو قتل کیا۔ جب کفار نے ان کو پایا تو حضرت عبداللہ ؓ ایک غار میں گھس گئے اور مکڑی نے ان پر جالا تن دیا، او ر وہ کفار کو نظر نہ آئے۔

            تیسرے حضرت زید بن زین العابدین بن علی بن حسین ؓ پر مکڑی نے جالا تنا تھا۔ جب حضرت زید ؓ برہنہ کرکے 121 ھ میں سولی دیا گیا تھا چار سال تک وہ اسی حالت میں رہے جب ان کے چہرے کو قبلہ سے پھیرا جاتا تو لکڑی گھوم کر پھر قبلہ کی طرف ہو جاتی تھی۔ اسکے بعد دشمنان ِ حق نے ان کو سولی سے اتار کر انکی لاش مبارک کو جلا دیا۔

            بہت سارے لوگ حضرت زید ؓ سے بیعت بھی تھے اور کوفیوں کی ایک جماعت ان سے یہ کہتی تھی کہ آپ حضرت ابوبکر ؓ و وعمرؓ سے بیزاری کا اظہار کریں تاکہ ہم آپ کی بیعت کریں۔ حضرت زید ؓ نے اس بات سے انکار کیا۔ تو کوفیوں نےکہا کہ ہم آپ کو چھوڑتے ہیں۔ اسی وجہ سے اس جماعت کا نام رافضی پڑگیا ۔

            حضرت زید ؓ نے عراق کے والی عمر وثقفی سے جو حجاج بن یوسف کو بھیجا تھا، ان سے جنگ کی تھی تو حضرت زید ؓ کے ساتھ وہ سلوک کیا جس کا ذکر اوپر ہوا ہے۔ حضرت زید ؓہشام بن عبدالملک کے زمانے میں ظاہر ہوئے تھے ۔ حضرت زید کے متبعین کو زیدیہ کہا جاتا ہے وہ کہتے ہیں کہ ہم حضرت ابو بکر صدیقؓ اور عمر ؓ کو اپنا ولی مانتے ہیں۔ اورجو لوگ ان پر تبرا کریں ہم ان سے بیزاری کا اظہار کرتےہیں۔ پھر وہ لوگ حضرت زید ؓ کےساتھ نکلے جس کی وجہ وہ لوگ زیدیہ کہلائے۔

            چوتھی ہستی حضرت داؤد ؑ تھے جن پر مکڑی نے جالا تنا تھا۔ جبکہ ان کو جالوت نے تلاش کیا تھا۔

(علامہ شہاب الدین قلیوبیؒ)