وزیر اعظم نیوز ی لینڈ کا خود کار و نیم خودکارہتھیاروں پر پابندی کا اعلان              جماعت اسلامی کا متحدہ مجلس عمل سے علیحدگی کا باضابطہ اعلان              مشال قتل کیس میں مزیددو ملزمان کو عمر قید       
تازہ تر ین

یمنی فوج نے الحدیدہ کے ساحلی شہر میں حوثی ملیشیا کے گرد گھیرا تنگ کر دیا

صنعاء (ویب ڈیسک) یمنی فوج نے الحدیدہ کے ساحلی شہر میں حوثی ملیشیا کے گرد گھیرا تنگ کر دیا ہے۔ اس سے قبل یمنی فوج نے جنوبی، مغربی اور مشرقی سمتوں سے شہر کا محاصرہ کر لیا تھا اور باغیوں کے فرار کے لیے شمالی سمت کے علاوہ کوئی راستہ نہیں بچا۔

غیرملکی خبررساں ادارے کے مطابق یمنی فوج نے اس امر کی تصدیق کی کہ اْس کی فورسز الحدیدہ کی بندرگاہ سے صرف 5 کلو میٹر کی دوری پر ہیں۔ عسکری ذرائع کے مطابق باغی ملیشیا کے درجنوں ارکان نے ہتھیار ڈال کر خود کو یمنی فوج کے حوالے کر دیا۔یمنی فوج اور عوامی مزاحمت کاروں کی جانب سے الحدیدہ شہر پر کنٹرول حاصل کرنے کے لیے کئی روز سے ایک جامع عسکری آپریشن جاری ہے۔ اس دوران حوثیوں کو یکے بعد دیگرے اپنے درجنوں ٹھکانوں سے ہاتھ دھونا پڑے ہیں۔

اس سے قبل پیر کے روز العمالقہ بریگیڈز نے اعلان کیا تھا کہ اس نے الحدیدہ شہر کے مشرقی حصے میں صوامع، مطاحن اور جولی الشحاری کے علاقوں سے حوثی ملیشیا کو بھگا کر وہاں کنٹرول حاصل کر لیا ہے۔

یمنی فوج اور عوامی مزاحمت کاروں کی جانب سے الحدیدہ کو حجہ کے ساتھ ملانے والے راستے پر کنٹرول کے لیے پیش قدمی کی کوششیں جاری ہیں۔ اس کے نتیجے میں حوثی ملیشیا کی سپلائی کی اہم لائنیں منقطع ہو جائیں گی۔

مزید خبر یں

صنعاء(نیوز ڈیسک)یمن کے نائب صدر علی محسن الاحمر نے کہا ہے کہ آئینی حکومت نے سویڈن میں طے پائے جنگ بندی معاہدے کے نفاذ کے لیے غیرمعمولی لچک کا مظاہرہ کرتے ہوئے پسپائی اختیار کی مگر حوثی ملیشیا اپنی ہٹ دھرمی پر بدستور قائم ہے۔میڈیارپورٹس کے ... تفصیل

کابل(نیوز ڈیسک) اقوام متحدہ کے ہنگامی امداد کے ادارے نے کہاہے کہ افغانستان میں شدید بارشوں کے نتیجے والے آنے والے سیلاب کے باعث تقریباً ایک لاکھ بائیس ہزار شہری متاثر ہوئے ۔ سیلاب کی وجہ سے کم از کم تریسٹھ افراد ہلاک اور بتیس زخمی ... تفصیل

واشنگٹن(نیوز ڈیسک)امریکی صدر ٹرمپ نے کہا ہے کہ چین کے ساتھ تجارتی تنازعے میں ایک ممکنہ سمجھوتہ آہستہ آہستہ قریب آتا جا رہا ہے۔ امریکا میں چینی درآمدات پر اضافی محصولات عائد کیے جانے کے خطرے کی وجہ سے چین،امریکاکے ساتھ جلد ہی کسی نہ کسی ... تفصیل