نقیب اﷲقتل کیس میں راﺅ انوار سمیت دیگر ملزمان پر فرد جر م عائد              نوازشریف کی میڈیکل رپورٹ نارمل، پنجاب حکومت کو بھجوادی              کرائسٹ چرچ واقعہ: جیسنڈا آرڈرن کا حملے کی تحقیقات کے لیے رائل کمیشن بنانے کا اعلان       
تازہ تر ین

بیلجیم میں منجمد قذافی کے مالی اثاثے، لیبیا انویسٹمنٹ اتھارٹی کا مشکوک اعتراف

طرابلس (انٹرنیشنل ڈیسک)لیبیا میں سرمایہ کاری سے متعلق سرکاری ادارے نے اقرار کیا ہے کہ اس نے بیلجیم کے بینکوں میں منجمد رقوم کا منافع اکتوبر 2017 کے اختتام تک وصول کیا تھا تاہم اتھارٹی نے اعتراف کیا ہے کہ اسے ان رقوم کے انجام اور ان سے مستفید ہونے والے فریقوں کے بارے میں علم نہیں۔ اس طرح لیبیا میں ان رقوم کے غلط استعمال یا غبن کے حوالے سے شکوک و شبہات اپنی جگہ باقی ہیں۔

غیرملکی خبررساں ادارے کے مطابق مذکورہ موقف جاری ایک بیان میں سامنے آیا ، اس سے قبل بیلجیم نے سرکاری طور پر اس بات کا اعتراف کیا تھا کہ برسلز میں یورو کلیر بینک نے بیلجیم کے 4 بینکوں میں منجمد لیبیائی رقوم کے منافع کو لیکسمبرگ، بحرین اور برطانیہ کے بینکوں میں مختلف کھاتوں میں منتقل کیا تھا۔لیبین انویسٹمنٹ اتھارٹی کے مطابق جن کھاتوں میں مذکورہ منافع منتقل کیا گیا وہ بیرون ملک اتھارٹی کے خصوصی کھاتے ہیں۔ اتھارٹی کا یہ بھی کہناتھا کہ منجمد رقوم کے منافع کی وصولی اقوام متحدہ کی سلامتی کونسل کی جانب سے 2011ء کے اوائل میں عائد کی جانے والی پابندیوں کے نظام کے مطابق عمل میں آئی۔ بیلجیم سمیت بعض ممالک نے اعلان کیا تھا کہ منجمد اثاثوں کے منافع اور سود کی رقم پر سے انجماد کو ختم کر دیا گیا۔لیبیا کی وفاقی حکومت کے زیر انتظام سرمایہ کاری کے اس ادارے نے باور کرایا کہ وہ یورو کلیر بینک کے کھاتوں میں منتقل ہونے والی مالی رقوم کے انجام کے حوالے سے تحقیقات کا آغاز کرے گا کیوں کہ یہ کارروائی سابقہ انتظامیہ کے دور میں ہوئی۔ تحقیقاتی رپورٹ کو اقوام متحدہ اور متعلقہ حکام کے سامنے بھی پیش کیا جائے گا۔

مزید خبر یں

واشنگٹن(نیوز ڈیسک)امریکی صدرڈونلڈ ٹرمپ کے بارے میں خصوصی مشیر رابرٹ ملر کی جانب سے امریکی کانگرس میں جمع کروائی گئی رپورٹ کے خلاصے میں کہاگیا ہے کہ ٹرمپ کی صدارتی مہم میں روس کے ساتھ سازش نہیں کی گئی تھی۔میڈیارپورٹس کے مطابق اس رپورٹ کے خلاصے ... تفصیل

مقبوضہ بیت المقدس(نیوز ڈیسک )جرمنی کی جانب سے مصر کو آبدوزوں کی فروخت کے حوالے سے خبریں سامنے آنے کے بعد اسرائیلی وزیراعظم بنجمن نیتن یاھو اور ان کے سیاسی حریفوں کے درمیان نئی محاذ آرائی شروع ہوگئی ۔میڈیارپورٹس کے مطابق ایک انٹرویو میں اسرائیلی وزیراعظم ... تفصیل

کرائسٹ چرچ(نیوز ڈیسک)وسط مارچ کو نیوزی لینڈ کے شہر کرائسٹ چرچ میں دو مساجد میں ایک آسٹریلوی دہشت گرد کے وحشیانہ حملے کے بعد جس طرح نیوزی لینڈ کی وزیراعظم جیسنڈا ارڈرن نے اس معاملے کو ہینڈل کرنے کی کوشش ہے اس نے مسلمانوں کے دلوں ... تفصیل