برطانیہ ، پاکستانی ہائی کمیشن نے برطانوی شہریوں کیلئے ای ویزا کا اجراءشروع کر دیا              حکومت سندھ نے ایک بارپھرسرکاری ملازمتوں پرپابندی عائد کردی              مفتی تقی عثمانی حملہ: 6 افراد کے خلاف دہشت گردی کا مقدمہ درج              پشاور بس منصوبے کا افتتاح غیر معینہ مدت تک ملتوی              سابق وزیر اعظم شوکت عزیز کے وارنٹ گرفتار ی جاری              صدر ٹرمپ اور اتحادی افواج کا شام سے داعش کے مکمل خاتمے کا اعلان              ڈیم فنڈ: کینیڈا میں عمران خان کے دستخط شدہ 2 بلے 65 ہزار ڈالرز میں نیلام              یوم پاکستان ،مسلح افواج کی شاندار پریڈ ،ٹینکوں اور میزائلوں کی نمائش ،جے ایف 17 تھنڈر طیاروں کا شاندار کرتب دکھا کر پیشہ وارانہ صلاحیتوں کا مظاہرہ              بھارت نے یسین ملک کی جماعت جموں کشمیر لبریشن فرنٹ پر پابندی لگادی       
تازہ تر ین

ملائیشیامیں مہاتیر محمد کی حکومت بننے کے بعد پہلی مرتبہ عوام کا شدید احتجاج ، وجہ انتہائی حیران کن

اسلام آباد(نیو زڈیسک)ملائیشیا کے دارالحکومت کوالالمپور میں ہزاروں مسلمان شہریوں نے حکومت کی جانب سے مالے قوم کو حاصل مراعات کے ممکنہ خاتمے کی کوشش کے خلاف ریلی کی شکل میں احتجاج کیا۔خبر ایجنسی اے پی کی رپورٹ کے مطابق رواں سال مئی میں وزیراعظم مہاتیر محمد اور اتحادی حکومت کی ملک گیر کامیابی کے بعد اپوزیشن جماعتوں کی معاونت سے ملائیشیا کے عوام کا یہ پہلا بھرپور اجتماع تھا۔ریلی کو ملائیشیا کی دو بڑی اپوزیشن جماعتوں کی حمایت حاصل تھی جس کا بنیادی مقصد حکومت کی جانب سے اقوام متحدہ کے نسلی امتیاز کے خلاف معاہدے (آئی سی ای آر ڈی) پر دستخط کرنے کے منصوبے پر احتجاج کرنا تھا۔مظاہرین کا کہنا تھا کہ اس معاہدے کے نتیجے میں مالے قوم کو دہائیوں سے حاصل مراعات کا خاتمہ ہوجائے گا تاہم حکومت کی جانب سے یہ منصوبہ موخر کیا گیا جس کے بعد یہ احتجاج جشن میں تبدیل ہوگیا۔وزیراعظم مہاتیر محمد کا کہنا تھا کہ حکومت نے ریلی کی اجازت دی تھی کیونکہ یہ جمہوریت کا حصہ ہے لیکن کسی بھی تشدد سے خبردار کردیا گیا تھا اسی لیے یہ ریلی پولیس کی سخت سیکیورٹی میں ہوئی اور اختتام بھی پرامن انداز میں ہوئی۔سابق وزیراعظم نجیب رزاق سمیت اپوزیشن رہنماؤں نے بھی ریلی میں شرکت کی اور عوام سے اظہار یک جہتی کیا جبکہ وہ اپنے کرپشن کے الزامات کا بھی سامنا کررہے ہیں۔پولیس کا کہنا تھا کہ کم ازکم 50 ہزار افراد احتجاج میں شامل تھے جن میں سے اکثر نے سفید رنگ کی ٹی شرٹ اور ہاتھوں پر بینڈز پہنے ہوئے تھے جن میں یہ الفاظ درج تھے کہ ہم ‘آئی سی ای آر ڈی کو مسترد’ کرتے ہیں۔احتجاجی مارچ تین مقامات سے شروع ہوا اور ‘مالے زندہ باد’ اور ‘کچل دو آئی سی ای آر ڈی’ کے نعرے لگاتے ہوئے تاریخی اسکوائر تک پہنچ گیا جہاں تقاریر کی گئیں اور پرامن طریقے سے اختتام پذیر ہوا۔ایک دکان دار روسلی احسان کا کہنا تھا کہ ‘جی ہم آئی سی ای آر ڈی کی توثیق نہیں کرتے لیکن ابھی ہم یہاں اس لیے کھڑے ہیں کیونکہ ہم اب بھی اس کے خلاف ہیں’۔ان کا کہنا تھا کہ ‘یہاں تک کہ اگر حکومت کہہ چکی ہے کہ وہ اس کی توثیق نہیں کریں گے لیکن تاحال ہم تمام ملائیشیائی افراد اپنی پوری طاقت سے احتجاج کررہے ہیں’۔یاد رہے کہ 9 موئی 2018 کو ہونے والے عام انتخابات میں مہاتیر محمد اور ان کی اتحادی جماعتوں سے کامیابی حاصل کی تھی اور نجیب رزاق کی قیادت میں اس وقت کی حکمراں جماعت کو بدترین شکست کا سامنا کرنا پڑا تھا جس کے بعد سابق وزیراعظم کو کرپشن کے الزامات کا سامنا کرنا پڑا تھا۔تاہم اس احتجاج میں نجیب رزاق کی پارٹی یونائیٹڈ نیشنل آرگنائزیشن اور ملائیشیا اسلامک پارٹی کے ہزاروں اراکین نے شرکت کرکے ان کی حمایت کی جبکہ ملک کی 13 میں سے 2 ریاستوں میں ان کی حکومت قائم ہے۔سیاسی ماہرین کا کہنا تھا کہ نجیب رزاق اور ان کی پارٹی نے سابق وزیراعظم اور ان کی بیوی کے علاوہ ان کی حکومت کے کئی عہدیداروں پرکرپشن کے لگائے گئے الزامات سے توجہ ہٹانے کے لیے استعمال کیا۔

مزید خبر یں

بیجنگ (نیوز ڈیسک)چین کے شہر چینگ ڈے میں ہائی وے پر ٹور بس میں آگ لگنے سے 26 افراد ہلاک اور 30 زخمی ہو گئے۔پولیس نے حادثے کی تفتیش کے لیے دونوں بس ڈرائیورز کو حراست میں لے لیا ہے، آگ لگنے کی وجہ ابھی سامنے ... تفصیل

بیجنگ(نیوزڈیسک) چینی صدر شی جن پنگ نے کہا ہے کہ میں چین پاک تعلقات کو بے حد اہمیت دیتا ہوں، پاکستان استحکام کے قیام، معیشت کی ترقی اور عوام کے معیار زندگی کو بلند کرنے لیے کوشاں ہے ، اسکی شاندار کامیابیوں پر ہمیں بے حد ... تفصیل

برسلز (نیوز ڈیسک)فرانسیسی صدر ایمانویل ماکروں نے کہا ہے کہ یورپ کو موجودہ بریگزٹ عمل کا یرغمال ہی نہیں بنے رہنا چاہیے۔ غیرملکی خبررساں ادارے کے مطابق صدر ماکروں نے برسلز میں صحافیوں سے بات کرتے ہوئے کہا کہ یورپی منصوبے کو بریگزٹ کا قیدی بن ... تفصیل