آشیانہ ،رمضان شوگر مل کیس کی سماعت 28مئی تک ملتوی       
تازہ تر ین

مقبوضہ بیت المقدس کے قانونی ،تاریخی سٹیٹس کا تحفظ پہلی ترجیح ہے ،ترک وزیر خارجہ

انقرہ (نیوز ڈیسک) ترکی کے وزیرخارجہ مولود چاوش اوگلو نے کہا ہے کہ مقبوضہ بیت المقدس کے قانونی اور تاریخی اسٹیٹس کا تحفظ پہلی ترجیح ہے اور دنیا بھرکے اداروں میں القدس کا بھرپور دفاع کریں گے۔اطلاعات کے مطابق یورپی ممالک میں متعین فلسطینی سفیروں کے استنبول میں منعقدہ مشاورتی اجلاس سے خطاب میں انہوں نے کہا کہ بیت المقدس کا آئینی، قانونی، تاریخی، تہذیبی اور اسلامی تشخص ہماری پہلی ترجیح اور ترکی کی خارجہ پالیسی کا اہم عنصر ہے، ہمارے لئے القدس کا مسئلہ انتہائی مقدس ہے اور اس کےساتھ اپنا تعلق مزید مضبوط کریں گے۔ القدس کو لاحق خطرات کے تدارک کےلئے عالمی سطح پر بھرپور اقدامات کیے جائیں گے۔ترک وزیرخارجہ نے کہا کہ القدس کے دفاع اور تحفظ کےلئے بین الاقوامی سطح پرکوششیں جاری رکھیں گے اور فلسطینیوں اور القدس کے خلاف صہیونی ریاست کے مظالم کو عالمی سطح پر بے نقاب کرینگے۔ترک وزیرخارجہ نے کہا کہ اسرائیل نے ماضی کی غلطیوں سے سبق نہیں سیکھا بلکہ ماضی کے غلط اقدامات اور روش پربدستور قائم ہے۔چاووش اوگلو نے کہا کہ اسرائیل غزہ کی پٹی کے عوام کے خلاف انتقامی حربے استعمال کررہاہے اور غزہ کے دو ملین لوگوں کی زندگی اجیرن بنانے کے ساتھ ساتھ تنازع فلسطین کے دو ریاستی حل کی راہ میں بھی رکاوٹیں کھڑی کررہا ہے۔

مزید خبر یں

تل ابیب(نیوزڈیسک) اسرائیل کے وسطی حصے میں جنگلات میں آگ لگ گئی۔ بتایا گیا ہے کہ آگ لگنے کی وجہ شدید گرمی کی لہر ہے۔ جنگلاتی آگ کی وجہ سے اب تک تین ہزار افراد کو اپنے گھر بار چھوڑنا پڑے ، جب کہ 45 عمارتیں ... تفصیل

واشنگٹن(نیوز ڈیسک) امریکی صدر ڈونلڈ ٹرمپ نے 1500 امریکی فوجی اہلکاروں کو مشرق وسطیٰ بھیجنے کی منظوری دے دی ، ان فوجیوں کے ساتھ پیٹریاٹ میزائل اور لڑاکا جنگی جہاز بھی بھیجے جا رہے ہیں۔ امریکی فوجیوں کی اس تعینات کا مقصد حفاظت ہے، امریکی فوجیوں ... تفصیل

نئی دہلی (نیوز ڈیسک ) بھارتی اپوزیشن جماعت کانگریس کے صدر راہول گاندھی نے لوک سبھا انتخابات میں شکست تسلیم کرلی ہے۔بھارتی میڈیا کے مطابق راہول گاندھی نے اس موقع پر میڈیا سے بات چیت کرتے ہوئے کہا کہ عوام نے اپنا واضح فیصلہ سنادیا، میں ... تفصیل