آشیانہ ،رمضان شوگر مل کیس کی سماعت 28مئی تک ملتوی       
تازہ تر ین

افغانستان میں ننگرہار ایئرپورٹ پر طالبان کے حملے میں16ملازمین ، پانچ حملہ آور ہلاک

جلال آباد(نیوز ڈیسک) افغانستان میں ننگرہار ایئرپورٹ پر ایک نجی کمپنی کے دفتر پر طالبان جنگجوﺅں کے حملے میں16ملازمین ہلاک ہوگئے جب کہ جوابی کارروائی میں پانچوں حملہ آور بھی مارے گئے،ریسکیو اداروں نے ہلاک اور زخمی ہونے والوں کو قریبی اسپتال منتقل کردیا جہاں زخمیوں کو طبی امداد فراہم کی جا رہی ہے جب کہ سیکیورٹی فورسز نے جائے وقوعہ کا محاصرہ کرکے گھر گھر تلاشی کا عمل شروع کردیا ہے،ہلاکتوں میں اضافے کا خدشہ بھی ظاہر کیا جار ہا ہے ،جائے وقوعہ پر مزید نفری تعینات کردی گئی ہے تاہم حملے کی نوعیت اور حملہ آوروں کی تعداد کے حوالے سے تفصیلات فراہم نہیں کی گئیں جب کہ ہلاک ہونے والے حملہ آوروں کی شناخت بھی ظاہر نہیں کی گئی ہے۔بین الاقوامی خبر رساں ادارے کے مطابق افغانستان کے صوبے ننگرہار کے جلال آباد ایئرپورٹ کے نزدیک واقع نجی تعمیراتی کمپنی کے دفتر پر طالبان جنگجوﺅں نے حملہ کردیا جس کے نتیجے میں16ملازمین لقمہ اجل بن گئے جب کہ حملے میں چھ عام شہری بھی زخمی ہوئے، حملہ آور پیدل آئے تھے،سیکورٹی فورسز کی جوابی کارروائی میں تین حملہ آور ہلاک ہوگئے جب کہ دو حملہ آوروں نے خود کو بارودی مواد سے اڑالیا۔ سیکورٹی فورسز کے درمیان جھڑپ کے باعث علاقہ میدان جنگ کا منظر پیش کرتارہا۔ریسکیو اداروں نے ہلاک اور زخمی ہونے والوں کو قریبی اسپتال منتقل کردیا جہاں زخمیوں کو طبی امداد فراہم کی جا رہی ہے جب کہ سیکیورٹی فورسز نے جائے وقوعہ کا محاصرہ کرکے گھر گھر تلاشی کا عمل شروع کردیا ہے۔ ہلاکتوں میں اضافے کا خدشہ ہے۔جائے وقوعہ پر مزید نفری تعینات کردی گئی ہے، تاہم حملے کی نوعیت اور حملہ آوروں کی تعداد کے حوالے سے تفصیلات فراہم نہیں کی گئی ہیں جب کہ ہلاک ہونے والے حملہ آوروں کی شناخت بھی ظاہر نہیں کی گئی ہے۔صوبائی گورنر کے ترجمان کے مطابق مسلح افراد نے جلال آباد ایئر پورٹ کے نزدیک تعمیراتی کمپنی پر دھاوا بولا،جس کے بعد علاقے میں افغان فورسز کی اضافی نفری پہنچائی گئی۔

مزید خبر یں

تہران (نیوزڈیسک ) ایران کے وزیر خارجہ نے کہا ہے کہ ایران کے بارے میں امریکی صدر ٹرمپ کے گھٹیا بیان نے ثابت کر دیا کہ وہ نہ تو تاریخ کے بارے میں کچھ جانتے ہیں اور نہ ہی ایرانی قوم کو پہچانتے ہیں۔ایرانی سرکاری ٹی ... تفصیل

تل ابیب(نیوزڈیسک) اسرائیل کے وسطی حصے میں جنگلات میں آگ لگ گئی۔ بتایا گیا ہے کہ آگ لگنے کی وجہ شدید گرمی کی لہر ہے۔ جنگلاتی آگ کی وجہ سے اب تک تین ہزار افراد کو اپنے گھر بار چھوڑنا پڑے ، جب کہ 45 عمارتیں ... تفصیل

واشنگٹن(نیوز ڈیسک) امریکی صدر ڈونلڈ ٹرمپ نے 1500 امریکی فوجی اہلکاروں کو مشرق وسطیٰ بھیجنے کی منظوری دے دی ، ان فوجیوں کے ساتھ پیٹریاٹ میزائل اور لڑاکا جنگی جہاز بھی بھیجے جا رہے ہیں۔ امریکی فوجیوں کی اس تعینات کا مقصد حفاظت ہے، امریکی فوجیوں ... تفصیل