آشیانہ ،رمضان شوگر مل کیس کی سماعت 28مئی تک ملتوی       
تازہ تر ین

چین کا پاکستان کی جانب سے بھارت کے ساتھ مذاکرات پر آمادگی کا خیر مقدم

بیجنگ(نیوز ڈیسک) چین نے پاک بھارت حالیہ کشیدگی کے دوران پاکستان کی جانب سے تحمل کا مظاہرہ کرنے اور بھارت کے ساتھ مذاکرات پر آمادگی ظاہر کرنے کے عمل کو سراہتے ہوئے کہاہے کہ خطے میں امن وسلامتی اور استحکام قائم رکھنے کے لیے دونوں ممالک کو مل کر کام کرنا چاہیے۔ چین اس صورتحال میں تعمیری کردار ادا کرنے کے لیے تیار ہے۔تمام ممالک کی خودمختاری اور علاقائی سالمیت کا احترام ہونا چاہئے اس کے علاوہ چین ایسی کارروائیاں نہیں دیکھنا چاہتا جس سے بین الاقوامی تعلقات کے اصولوں کی پامالی ہو،غیرملکی خبررساں ادارے کے مطابق چینی نائب وزیر خارجہ کونگ زونیو کی جانب سے جاری کیے جانے والے بیان میں کہاگیاکہ بیجنگ اوراسلام آباد نا صرف اسٹریٹجک پارٹنرز ہیں بلکہ دونوں نے ہمیشہ ایک دوسرے کی بھرپور حمایت کی ہے۔کونگ زونیو نے کہا چین کی پاکستان اور بھارت کے درمیان پیدا ہونے والی حالیہ صورتحال پر گہری نگاہ ہے اورپاکستان کی جانب سے حالیہ کشیدگی پر تحمل کا مظاہرہ کرنے اور بھارت کے ساتھ مذاکرات کے ذریعے مسئلے کا حل نکالنے کے عمل کو چین بے حد سراہتا ہے۔چینی نائب وزیر خارجہ کے مطابق چین سمجھتا ہے کہ تمام ممالک کی خودمختاری اور علاقائی سالمیت کا احترام ہونا چاہئے اس کے علاوہ چین ایسی کارروائیاں نہیں دیکھنا چاہتا جس سے بین الاقوامی تعلقات کے اصولوں کی پامالی ہو۔چین نے پاکستان اوربھارت پر مسائل کے حل کے لیے جلد سے جلد مذاکرات کے لیے رابطے پر زور دیتے ہوئے کہا کہ خطے میں امن وسلامتی اور استحکام قائم رکھنے کے لیے دونوں ممالک کو مل کر کام کرنا چاہیے۔ اس کے ساتھ ہی انہوں نے کہا کہ چین اس صورتحال میں تعمیری کردار ادا کرنے کے لیے تیار ہے۔

مزید خبر یں

تل ابیب(نیوزڈیسک) اسرائیل کے وسطی حصے میں جنگلات میں آگ لگ گئی۔ بتایا گیا ہے کہ آگ لگنے کی وجہ شدید گرمی کی لہر ہے۔ جنگلاتی آگ کی وجہ سے اب تک تین ہزار افراد کو اپنے گھر بار چھوڑنا پڑے ، جب کہ 45 عمارتیں ... تفصیل

واشنگٹن(نیوز ڈیسک) امریکی صدر ڈونلڈ ٹرمپ نے 1500 امریکی فوجی اہلکاروں کو مشرق وسطیٰ بھیجنے کی منظوری دے دی ، ان فوجیوں کے ساتھ پیٹریاٹ میزائل اور لڑاکا جنگی جہاز بھی بھیجے جا رہے ہیں۔ امریکی فوجیوں کی اس تعینات کا مقصد حفاظت ہے، امریکی فوجیوں ... تفصیل

نئی دہلی (نیوز ڈیسک ) بھارتی اپوزیشن جماعت کانگریس کے صدر راہول گاندھی نے لوک سبھا انتخابات میں شکست تسلیم کرلی ہے۔بھارتی میڈیا کے مطابق راہول گاندھی نے اس موقع پر میڈیا سے بات چیت کرتے ہوئے کہا کہ عوام نے اپنا واضح فیصلہ سنادیا، میں ... تفصیل