آشیانہ ،رمضان شوگر مل کیس کی سماعت 28مئی تک ملتوی       
تازہ تر ین

روس میں غیر ملکی خفیہ اداروں کی کارروائیاں بڑھی ہیں،600جاسوسوں کو ناکام بنانے کا دعویٰ

ماسکو (نیوزڈیسک)روس کے صدر ولادی میر پوتن نے الزام لگایا ہے کہ غیر ملکی خفیہ ایجنسیوں نے روس میں اپنی کارروائیاں تیز کر دی ہیں اور 2018 کے دوران روس نے 600 جاسوسوں کو ان کے عزائم میں ناکام کیا ہے۔ادھر ہالینڈ، چیک ریپبلک اور سویڈن کے خفیہ اداروں نے بھی حملے ناکام بنانے کا دعویٰ کیا ہے۔میڈیارپورٹس کے مطابق تفصیلات بتائے بغیر روسی صدرپوتن نے کہا کہ خفیہ ایجنسیوں کے 29 ارکان اور 465 غیر ملکی جاسوسوں کو ناکام بنایا گیا ہے۔روس کے اپنے جاسوسوں پر بھی متعدد سازشوں میں ملوث ہونے کے الزامات ہیں جن میں سابق اہلکار سرگئی سکریپل کو زہر دینے کا الزام بھی شامل ہے۔روس کی سکیورٹی ایجنسی ایف ایس بی کے افسران سے خطاب کرتے ہوئے صدر پوتن نے کہا کہ ان کو موثر طریقے سے کام کرنا چاہیے، خصوصاً ہتھیاروں کی تیاری سے متعلق معلومات کی حفاظت۔ہم یہ دیکھ رہے ہیں کہ غیر ملکی خفیہ ادارے روس میں اپنی کارروائیوں کا دائرہ کار وسیع کرنے کی کوشش کر رہے ہیں۔ وہ ہر طریقے سے سیاسی، معاشی، سائنسی اور ٹیکنالوجی سے متعلق معلومات تک رسائی حاصل کرنا چاہتے ہیں۔ادھر ہالینڈ، چیک ریپبلک اور سویڈن کے خفیہ اداروں نے بھی حملے ناکام بنانے کا دعویٰ کیا ہے۔مغربی دنیا روس پر انتخابات میں مداخلت کا الزام بھی لگا چکی ہے۔ یورپین کونسل کے صدر ڈونلڈ ٹسک نے روس کا نام لیے بغیر خبردار کیا کہ یورپ مخالف قوتیں یورپی یونین کے آئندہ مئی میں ہونے والے پارلیمانی انتخابات پر اثر انداز ہونے کی کوشش کر سکتی ہیں۔گذشتہ سال سرگئی سکریپل پر حملے کے بعد جب یورپی یونین نے برطانیہ کے موقف سے اتفاق کیا کہ اس حملے میں روس کے ملوث ہونے کے امکانات ہیں تو 25 ملکوں نے روس کے سفارتکاروں کو اپنے ملک سے نکال دیا تھا۔

مزید خبر یں

تل ابیب(نیوزڈیسک) اسرائیل کے وسطی حصے میں جنگلات میں آگ لگ گئی۔ بتایا گیا ہے کہ آگ لگنے کی وجہ شدید گرمی کی لہر ہے۔ جنگلاتی آگ کی وجہ سے اب تک تین ہزار افراد کو اپنے گھر بار چھوڑنا پڑے ، جب کہ 45 عمارتیں ... تفصیل

واشنگٹن(نیوز ڈیسک) امریکی صدر ڈونلڈ ٹرمپ نے 1500 امریکی فوجی اہلکاروں کو مشرق وسطیٰ بھیجنے کی منظوری دے دی ، ان فوجیوں کے ساتھ پیٹریاٹ میزائل اور لڑاکا جنگی جہاز بھی بھیجے جا رہے ہیں۔ امریکی فوجیوں کی اس تعینات کا مقصد حفاظت ہے، امریکی فوجیوں ... تفصیل

نئی دہلی (نیوز ڈیسک ) بھارتی اپوزیشن جماعت کانگریس کے صدر راہول گاندھی نے لوک سبھا انتخابات میں شکست تسلیم کرلی ہے۔بھارتی میڈیا کے مطابق راہول گاندھی نے اس موقع پر میڈیا سے بات چیت کرتے ہوئے کہا کہ عوام نے اپنا واضح فیصلہ سنادیا، میں ... تفصیل