آشیانہ ،رمضان شوگر مل کیس کی سماعت 28مئی تک ملتوی       
تازہ تر ین

بالاکوٹ حملے کا پاکستان کو یقین آگیا مگراپوزیشن ابھی بھی سوال کررہی ہے،مودی

نئی دہلی(نیوز ڈیسک)بھارتی وزیراعظم نریندرامودی نے ووٹرزکے دل جیتنے کے لیے حسب روایت ہٹ دھرمی کامظاہرہ کرتے ہوئے کہاہے کہ بھارتی فضائیہ کے بالاکوٹ میں جیش محمد کے کیمپ پر حملے کے بعد پاکستان نے خود شور مچایاہم نے توخاموشی اختیار کر رکھی تھی،بھارتی ٹی وی کے مطابق ایک انتخابی جلسے سے خطاب کرتے ہوئے شکست سے خوفزدہ بھارتی وزیراعظم بوکھلائے نظر آئے اورجلسے میں پچھلے انتخابات کی طرح اس بار بھی پوری تقریر پاکستان کے خلاف کرڈالی،تاہم جلسے میں سوال وجواب کا سیشن نہ ہونے پر بھارتی وزراعظم اپنی بین بجا کر چلتے بنے ،کیوں کہ انہیں کوئی خوف نہیں تھا کہ یہاں جھوٹ بولنے سے جلسے میں کوئی ان سے ثبوت بھی مانگے گا،جلسے سے خطاب میں انہوں نے الزام عائدکیا کہ پاکستان نے پلوامہ حملہ بارڈرکے راستے کیا ،اورحملے کے بعد بھارت سے ملحقہ سرحدوں پر بھاری دفاعی مشینری تعینات کردی مگر وہ نہیں جانتا تھا کہ ہم حملہ زمینی نہیںفضائی کریں گے، بھارتی وزیراعظم نریندرامودی نے کہاکہ پلوامہ حملے کے بعد بھارتی کے بہادرفوجیوں نے وہ کردکھایا جس کا بہت عرصہ پہلے بھارت اپنے ہمسایہ ملک ہندوستان سے کہہ رھا تھا،بھارتی فضائیہ نے دہشت گردوں اوران کے محفوظ ٹھکانوں کو نشانہ بنایا،بھارتی وزیراعظم نے ایک مرتبہ پھر ملکی اپوزیشن کو خوب آڑے ہاتھوں لیا اورکہاکہ بھارت کے کامیاب فضائی حملے کے بعد کچھ نمک حرام لوگوں نے پاکستان کے حق میں بیانات دیئے ،انہوں نے کہاکہ پاکستان خود کہہ رہا ہے کہ بالا کوٹ میں حملہ ہوا ہے مگر ہمار ی اپوزیشن کے کچھ لوگ ابھی بھی ہم سے یہ سوال کر رہے ہیں کہ دکھائیں یہ حملہ کہاں ہوا ہے ؟انہوں نے کہاکہ دہشت گردی کا ناسور پچھلی حکومت کے دورمیں پروان چڑھا اس وقت اسے ختم کردیاجاتا تو آج ہمیں یہ دن نہ دیکھنے پڑتے۔

مزید خبر یں

تل ابیب(نیوزڈیسک) اسرائیل کے وسطی حصے میں جنگلات میں آگ لگ گئی۔ بتایا گیا ہے کہ آگ لگنے کی وجہ شدید گرمی کی لہر ہے۔ جنگلاتی آگ کی وجہ سے اب تک تین ہزار افراد کو اپنے گھر بار چھوڑنا پڑے ، جب کہ 45 عمارتیں ... تفصیل

واشنگٹن(نیوز ڈیسک) امریکی صدر ڈونلڈ ٹرمپ نے 1500 امریکی فوجی اہلکاروں کو مشرق وسطیٰ بھیجنے کی منظوری دے دی ، ان فوجیوں کے ساتھ پیٹریاٹ میزائل اور لڑاکا جنگی جہاز بھی بھیجے جا رہے ہیں۔ امریکی فوجیوں کی اس تعینات کا مقصد حفاظت ہے، امریکی فوجیوں ... تفصیل

نئی دہلی (نیوز ڈیسک ) بھارتی اپوزیشن جماعت کانگریس کے صدر راہول گاندھی نے لوک سبھا انتخابات میں شکست تسلیم کرلی ہے۔بھارتی میڈیا کے مطابق راہول گاندھی نے اس موقع پر میڈیا سے بات چیت کرتے ہوئے کہا کہ عوام نے اپنا واضح فیصلہ سنادیا، میں ... تفصیل