سپریم کورٹ نے بحریہ ٹاﺅن کر اچی کی 460ارب روپے کی پیشکش قبول کر لی              وزیر اعظم نیوز ی لینڈ کا خود کار و نیم خودکارہتھیاروں پر پابندی کا اعلان              جماعت اسلامی کا متحدہ مجلس عمل سے علیحدگی کا باضابطہ اعلان              مشال قتل کیس میں مزیددو ملزمان کو عمر قید       
تازہ تر ین

افغانستان میں حکمرانی کرنے والے ملا عمر کا آخری ٹھکانہ ایک کمرے پر مشتمل ایک بوسیدہ گھر تھا،طالبان ترجمان

کابل(نیوز ڈیسک) افغان طالبان نے ملا عمر کے آخری خفیہ ٹھکانے کی تصاویر جاری کر دیں جہاں وہ اپنے انتقال تک تقریباً 7 سال مقیم رہے۔بین الاقوامی خبر رساں ادارے کے مطابق طالبان نے اپنے امیر ملاعمر کے اس چھوٹے سے گھر کی تصاویر جاری کردی ہیں جس میں ملا عمر نے اپنی زندگی کے آخری 7 سال گزارے۔ افغانستان میں حکمرانی کرنے والے ملا عمر کا آخری ٹھکانہ ایک کمرے پر مشتمل ایک بوسیدہ گھر تھا۔طالبان کے ترجمان ذبیح اللہ مجاہد نے تصاویر جاری کرتے ہوئے کہا ملا عمر 2013 میں اپنے انتقال تک اسی خفیہ ٹھکانے میں مقیم رہے، ملا عمر روزانہ اس گھر کے گلاب کے پھولوں والے صحن کی دھوپ میں لیٹتے تھے۔ وہ کچھ عرصے علالت کے بعد انتقال کر گئے تھے۔تاہم یہ واضح نہیں کہ یہ گھر کس علاقے میں قائم ہے اور نہ ہی طالبان نے اس بات کی وضاحت کی کہ ملا عمر اس گھر میں اکیلے رہتے تھے یا اہل خانہ کے ہمراہ مقیم تھے۔ طالبان ترجمان کی جانب سے جاری تصاویر نے افغان حکومت نے دعووں کو جھوٹا ثابت کردیا۔ افغان حکومت کا کہنا تھا کہ ملا عمر پاکستان میں محفوظ ٹھکانوں میں رہے اور وہیں ان کا انتقال ہوا۔طالبان کی جانب سے یہ تصاویر اس وقت جاری کی گئی ہیں جب امریکا کے زومیا سینٹر نامی تھنک ٹینک نے ڈچ خاتون صحافی بیٹے ڈیم کی تحقیقات پر مبنی کتاب کے اقتباسات جاری کیے تھے، جس میں انکشاف کیا گیا تھا کہ رہنما ملا عمر ایک عرصے تک افغانستان میں امریکی فوجی اڈے کے انتہائی قریب رہائش پذیر رہے تھے۔

مزید خبر یں

صنعاء(نیوز ڈیسک)یمن کے نائب صدر علی محسن الاحمر نے کہا ہے کہ آئینی حکومت نے سویڈن میں طے پائے جنگ بندی معاہدے کے نفاذ کے لیے غیرمعمولی لچک کا مظاہرہ کرتے ہوئے پسپائی اختیار کی مگر حوثی ملیشیا اپنی ہٹ دھرمی پر بدستور قائم ہے۔میڈیارپورٹس کے ... تفصیل

کابل(نیوز ڈیسک) اقوام متحدہ کے ہنگامی امداد کے ادارے نے کہاہے کہ افغانستان میں شدید بارشوں کے نتیجے والے آنے والے سیلاب کے باعث تقریباً ایک لاکھ بائیس ہزار شہری متاثر ہوئے ۔ سیلاب کی وجہ سے کم از کم تریسٹھ افراد ہلاک اور بتیس زخمی ... تفصیل

واشنگٹن(نیوز ڈیسک)امریکی صدر ٹرمپ نے کہا ہے کہ چین کے ساتھ تجارتی تنازعے میں ایک ممکنہ سمجھوتہ آہستہ آہستہ قریب آتا جا رہا ہے۔ امریکا میں چینی درآمدات پر اضافی محصولات عائد کیے جانے کے خطرے کی وجہ سے چین،امریکاکے ساتھ جلد ہی کسی نہ کسی ... تفصیل