وزیر اعظم نیوز ی لینڈ کا خود کار و نیم خودکارہتھیاروں پر پابندی کا اعلان              جماعت اسلامی کا متحدہ مجلس عمل سے علیحدگی کا باضابطہ اعلان              مشال قتل کیس میں مزیددو ملزمان کو عمر قید       
تازہ تر ین

سارے خدشات دور ،جہانگیرترین کا انتہائی اہم ردعمل سامنے آگیا

اسلام آباد(نیو زڈیسک) جہانگیرترین نے وفاقی وزیرخزانہ اسد عمر کے ساتھ اختلافات کی خبروں کو من گھڑت قرار دیا ہے۔ انہوں نے کہا کہ اسد عمر کے ساتھ کسی معاملے پر کوئی اختلاف نہیں ہوا ہے،اختلافات کی خبریں من گھڑت ہیں۔ میڈیا رپورٹس کے مطابق ذرائع وزیراعظم ہاؤس اور ذرائع وزارت خزانہ کے بعد سینئر رہنماء پی ٹی آئی جہانگیرترین نے بھی اسد عمر کے استعفیٰ کی خبروں کی تردید کرتے ہوئے کہا کہ پارٹی میں اسد عمر کے ساتھ کسی کا کوئی اختلاف نہیں ہے۔انہوں نے کہا کہ میرے سے متعلق اسد عمر سے اختلافات کی خبریں من گھڑت ہیں۔ اسد عمر کے ساتھ کسی معاملے پر کوئی اختلاف نہیں ہوا ہے۔ مزید برآں ذرائع وزیراعظم ہاؤس نے وفاقی وزیرخزانہ اسد عمر کے استعفیٰ کی تردید کردی، انہوں نے کہا کہ وزیرخزانہ اسد عمر نے استعفیٰ نہیں دیا۔استعفیٰ سے متعلق خبروں میں کوئی صداقت نہیں ہے۔ اسی طرح وزارت خزانہ کے ذرائع کا کہنا ہے کہ وزیرخزانہ اسد عمر اور مشیر اقتصادی امورعبدالرزاق داؤد کے درمیان جھگڑے کی خبروں میں کوئی صداقت نہیں ہے۔صحت مند بحث پارٹی کلچر کا حصہ ہے ۔ایسی بحث ہوتی رہتی ہے۔ وزیرخزانہ نے استعفیٰ دیا ہے اور نہ دینے کا فیصلہ کیا ہے۔انہوں نے کہا کہ وزیرخزانہ کے استعفیٰ کی افواہ بعض عناصر اپنے مذموم مقاصد کیلئے پھیلا رہے ہیں۔بتایا گیا ہے کہ ڈالر بڑھنے اور ملکی معیشت کو سنبھالا نہ دینے پر مشیر اقتصادی امورعبدالرزاق داؤد اوروزیرخزانہ اسد عمر کے درمیان جھگڑا ہوا ہے۔تاہم ذرائع وزرات خزانہ نے دونوں کے درمیان جھگڑے کی خبروں کی بھی تردید کردی ہے۔ دوسری جانب (ن) لیگ کی خاتون رکن پنجاب اسمبلی حنا پرویز بٹ کی طرف سے جمع کروائی گئی قرار داد میں کہا گیا ہے کہ پاکستان کی تاریخ میں پہلی بار ڈالر 142روپے کی بلند ترین سطح پر پہنچ گیا۔ تین ماہ سے روپے کی قدر میں مسلسل کمی ہو رہی ہے۔بھارت، سری لنکا، بنگلادیش اور افغانستان کی کرنسی پاکستان سے اوپر جا رہی ہیں۔حکومت ہر ماہ پیٹرولیم مصنوعات کی قیمتوں میں بھی مسلسل اضافہ کررہی ہے۔ وزیر خزانہ اسد عمر اب آئی ایم ایف کے پیچھے چھپ رہے ہیں۔عالمی مارکیٹ میں پیٹرولیم مصنوعات کی قیمتیں کم ہو رہی ہیں۔برطانیہ،امریکہ اور فرانس میں پیٹرول سستا ہو رہا ہے۔ لہذا یہ ایوان ڈالر اور پیٹرول کی قیمت میں اضافہ کی شدید مذمت کرتا ہے۔حکومت کی معاشی پالیسیاں مکمل طور پر کام ہو چکی ہیں۔ماہر معاشیات بننے والے وزیر خزانہ کو خود ہی عہدہ چھوڑ دینا چاہیے۔ روپے کی قدر میں کمی سے عالمی سطح پر پاکستان کی ترقی کا گراف نیچے گیا ہے۔ماضی میں پاکستان کے معاشی حالات کبھی ایسے نہیں ہوئے ۔حکومت کی ناکام معاشی پالیسیوں کا خمیازہ ہر شہری بھگت رہا ہے۔

مزید خبر یں

اسلام آباد (نیوز ڈیسک)ترجمان چیئرمین پیپلز پارٹی مصطفی نواز کھوکھر نے کہاہے کہ عمران خان کی حکومت انتہاپسند کالعدم جماعتوں کے دفاع میں کھل کر سامنے آ چکی ہے۔ ایک بیان میں ترجمان بلاول بھٹو زرداری نے کہاکہ حکومت کالعدم جماعتوں کے خلاف بات کرنے والوں ... تفصیل

اسلام آباد (نیوز ڈیسک)چیئرمین بلاول بھٹو زرداری کا ٹویٹر پر لاٹھی گولی کی سرکار نہیں چلے گی کے ہیش ٹیگ کے ساتھ ٹویٹ کرتے ہوئے کہاہے کہ کالعدم جماعتوں سے وابستہ وزراءکابینہ میں اور جمہوری کارکن زیرحراست ہیں؟ ۔ ٹوئٹر پر اپنے بیان میں بلاول بھٹو ... تفصیل

لاہور (نیوز ڈیسک) چیف جسٹس آف پاکستان مسٹر جسٹس آصف سعید کھوسہ نے قابل ضمانت مقدمے میں درخواست مسترد کرنے پر ماتحت عدلیہ پر سخت برہمی کا اظہار کرتے ہوئے کہا ہے کہ قابل ضمانت مقدمے میں عدالت ضمانت مسترد کرہی نہیں سکتی، عدالت نے لڑائی ... تفصیل