نقیب اﷲقتل کیس میں راﺅ انوار سمیت دیگر ملزمان پر فرد جر م عائد              نوازشریف کی میڈیکل رپورٹ نارمل، پنجاب حکومت کو بھجوادی              کرائسٹ چرچ واقعہ: جیسنڈا آرڈرن کا حملے کی تحقیقات کے لیے رائل کمیشن بنانے کا اعلان       
تازہ تر ین

عمران خان دھوکے باز لیڈر، اب مزید ایسا نہیں چلے گا، احسن اقبال کے بیان نے سیاسی ایوانوں میں کھلبلی مچادی

اسلام آباد(نیو زڈیسک) احسن اقبال نے کہا ہے کہ پاکستان کو بچانے والا اور دنیا میں وقار دلانے والا کوٹ لکھپت جیل میں ہے جبکہ سازش کرنے والا اور ملک کو اقتصادی بدحالی میں پھینکنے والا مزے سے ایوان وزیراعظم میں بیٹھا ہے۔ہم حکومت کو مناسب وقت دینا چاہتے ہیں تاکہ یہ اپنی ناکامیاں ہمارے کندھوں پر نہ ڈال سکیں اور قوم کو معلوم ہو سکے کہ پاکستان کی سیاسی تاریخ کا سب سے بڑا دھوکے باز لیڈر عمران خان ہے جس نے قوم سے جھوٹ بولا اور عوام کو تبدیلی کے نام پر دھوکہ دیا۔تفصیلات کے مطابق سابق وزیراعظم نواز شریف سے ملاقات کیلئے کوٹ لکھپت جیل پہنچنے پر میڈیا سے گفتگو کرتے ہوئے احسن اقبال نے کہا کہ جس شخص نے پاکستان کو بچایا اور دنیا میں اس کا وقار بلند کیا وہ آج کوٹ لکھپت جیل میں بند ہے لیکن جس نے پاکستان میں سازش کی، پاکستانی معیشت کو پنکچر کیا، ملک کو اقتصادی بدحالی میں پھینکا اور دنیا میں پاکستان کو دوبارہ بھکاری بنایا، وہ مزے سے ایوان وزیراعظم میں بیٹھا ہوا ہے۔ یہ تماشہ پوری قوم دیکھ رہی ہے لیکن اس سے ہمارے قدموں میں کوئی لرزش نہیں آئی، ہمیں معلوم ہے کہ پی ٹی آئی عوام کا انتخاب نہیں تھی اور عمران خان سلیکٹڈ وزیراعظم ہے، منتخب وزیراعظم نہیں، یہ مصنوعی بندوبست زیادہ دیرتک نہیں چلے گا اور بالآخر عوام کی رائے اور مینڈیٹ ہی جیتے گا جس کے بعد مسلم لیگ (ن) دوبارہ اس ملک کی باگ دوڑ سنبھالے گی۔انہوں نے کہا کہ پارٹی میں قیادت کا کوئی بحران نہیں ہے کیونکہ ہمارے قائد میاں نواز شریف اور صدر شہباز شریف ملک کے اندر موجود ہیں۔ پارٹی کی قیادت باقاعدگی کیساتھ ان سے رابطے میں ہے جبکہ شہباز شریف قومی اسمبلی کے اجلاس میں شریک ہوتے ہیں جن کیساتھ مکمل مشاورت کی جاتی ہے البتہ روزمرہ کے معمولات اور معاملات نپٹانے کا اختیار پارلیمنٹری ایڈوائزری گروپ کو دیا گیا ہے، لہٰذا قیادت کا کوئی بحران نہیں اور پارٹی مضبوط ہے جبکہ عدالتی فیصلوں سے پارٹی کی ہمدردی اور حمایت میں زبردست اضافہ ہوا ہے کیونکہ لوگ جان چکے ہیں کہ ان ریفرنسز میں ماسوائے نواز شریف کو نشانہ بنانے کے علاوہ اور کچھ نہیں ہے۔ایک سوال کے جواب میں احسن اقبال نے کہا کہ موجودہ حکومت کم ترین اکثریت کیساتھ حکمرانی کر رہی ہے۔ پی ٹی آئی کے اپنے ارکان کی تعداد 156 ہے جبکہ اکثریت چار سے چھ ممبران کی ہے اور باقی سارے ادھار اور مانگے تانگے کے لوگ ہیں جو کسی بھی وقت ان کے ہاتھ سے نکل سکتے ہیں۔ لیکن ہم حکومت کو ایک مناسب وقت دینا چاہتے ہیں تاکہ یہ اپنی ناکامیاں ہمارے کندھوں پر نہ ڈال سکیں اور یہ نہ کہیں کہ ہماری ٹانگیں کھینچی گئیں اور ہمیں کام نہیں کرنے دیا گیا۔ ہم انہیں ایکسپوز کریں گے تاکہ قوم کو پتہ چل سکے کہ عمران خان نے جو وعدے کئے تھے، وہ سب دھوکہ تھا۔ لوگوں کو معلوم ہو سکے کہ پاکستان کی تاریخ میں سیاست کا سب سے بڑا دھوکے باز لیڈر عمران خان تھا جس نے اپنے اقتدار کیلئے اس قوم کو دھوکہ دیا اور قوم سے جھوٹ بولا۔

مزید خبر یں

کراچی(نیوز ڈیسک)انسدادِ دہشت گردی عدالت نے نقیب اللہ قتل کیس میں سابق ایس ایس پی ملیرراﺅ انوار سمیت دیگر ملزمان پر فرد جرم عائد کردی ہے۔انسدادِ دہشت گردی عدالت میں نقیب اللہ قتل کیس کی سماعت ہوئی، جس میں سابق ایس ایس پی ملیر راﺅ انوار ... تفصیل

اسلام آباد (نیوز ڈیسک) وفاقی وزیر اطلاعات ونشریات چوہدری فواد حسین نے کہا ہے کہ پنجاب اور سندھ میں ایک طویل عرصے بعد گنے کے کاشتکاروں کو ادائیگی وقت پر اور پوری قیمت ملی۔ وزیراطلاعات فواد چوہدری نے اپنے ٹوئٹ میں کہاکہ وزیر اعظم عمران خان ... تفصیل

ملتان(نیوز ڈیسک)وزیر خارجہ شاہ محمود قریشی نے کہاہے کہ بھارت سفارت کاری کے ذریعے پاکستان کو تنہا کرنے کی کوشش کر رہا ہے، بھارت میں الیکشن تک اتار چڑھاو دکھائی دےگا، ہمیں مکار دشمن سے مکمل چوکنا رہنا ہے، ہم اپنا دفاع کریں گے ۔ میڈیا ... تفصیل