سرکاری درس گاہوں میں 12ویں تک نیا نصاب پڑھانے کا فیصلہ       
تازہ تر ین

نواز شریف کو جیل میں صفائی کے کام پر لگا دیا گیا، خبر ن لیگیوں کو افسردہ کردیا کیونکہ ۔۔۔

اسلام آباد(نیو زڈیسک) تین مرتبہ وزیراعظم پاکستان رہنے والے نواز شریف کو جیل میں صفائی کا کام سونپ دیا گیا ہے۔میڈیا رپورٹس میں بتایا گیا ہے کہ سابق وزیراعظم سیکورٹی وارڈ کی صفائی خود کریں گے۔جیل ذرائع کے مطابق سابق وزیراعظم نواز شریف کو مشقت کے طور پر صفائی کا کام سونپا گیا ہے۔سابق وزیراعظم اور مسلم لیگ ن کے قائد نواز شریف کو جیل میں سیکورٹی وارڈ کی صفائی کی ڈیوٹی سونپی گئی ہے۔جیل حکام کا کہنا ہے کہ پڑھانے یا کوئی دیگر کام بھی سونپا جا سکتا تھا لیکن سیکورٹی وجوہات کی بنا پر صفائی کی ڈیوٹی دی گئی ہے۔ کیونکہ سیکورٹی وارڈ میں صرف نواز شریف، ان کا مشقتی اور سیکورٹی کے جیل اہلکار موجود ہوں گے جس کی وجہ سے وہاں کسی قسم کا خطرہ نہیں ہو گا۔اس سے قبل ایک رپورٹ میں بتایا گیا تھا کہ جیل ذرائع کے مطابق نواز شریف کوکوٹ لکھپت جیل کی سکیورٹی وارڈ میں رکھا گیا ہے۔سابق وزیراعظم نواز شریف کو بیس بائے بیس کا کمرہ الاٹ کیا گیا ہے۔ کوٹ لکھپت جیل پہنچنے پر نواز شریف کی تصویر اُتاری گئی۔حاضری رجسٹرپر نواز شریف کے دستخط کروائے گئے اور میڈیکل بھی کیا گیا۔حاضری رجسٹرپرجیل حکام نےلکھا نوازشریف قیدی با مشقت نہیں ہیں۔ حاضری رجسٹرپرلکھا گیا نوازشریف علم حاصل کریں گے یا پڑھائیں گے۔ جیل میں نواز شریف کےکمرے سےملحقہ ایک کنال کالان بھی ہے۔یاد رہے کہ احتساب عدالت نے سابق وزیر اعظم نواز شریف کو فلیگ شپ ریفرنس میں بری کر دیا جبکہ العزیزیہ ریفرنس میں مجرم قرار دیتے ہوئے سات سال قید بامشقت کی سزا سنائی ۔ نواز شریف پر 1.5 ملین پاؤنڈز اور 25 ملین ڈالرز کا الگ الگ جُرمانہ بھی عائد کیا گیا جبکہ نواز شریف کو دس سال تک عوامی عہدہ رکھنے کے لیے بھی نا اہل قرار دے دیا گیا۔ عدالت نے نواز شریف کی جائیداد ضبطگی کا بھی حکم دیا۔

مزید خبر یں

کراچی(نیوز ڈیسک)پاکستان پیپلز پارٹی کے سینئررہنمااور سابق قائد حزب اختلاف سید خورشیداحمد شاہ نے کہاہے کہ ایسا لگتا ہے ملک میں کوئی جمہوریت نہیں جس کو چاہو پکڑو بعد میں پوچھا جائے گا۔سیاست دانوں کو صرف جمہوریت اور حق حکمرانی مانگنے کی سزا دی جارہی ہے،راولپنڈی ... تفصیل

اسلام آباد (نیوز ڈیسک) پاکستان تحریک انصاف کے مرکزی سیکرٹری اطلاعات عمر چیمہ نے کہا ہے کہ نواز شریف کی صحت کی فکر ہوتی تو نون لیگی اس پر سیاست نہ کرتے۔ایک بیان میں عمر چیمہ نے کہاکہ نواز شریف کی بیماری کو لے کر شہباز ... تفصیل

اسلام آباد (نیوز ڈیسک) پاکستان پیپلز پارٹی کے رہنما نیر بخاری نے آئی آر آئی سروے پر رد عمل کااظہار کرتے ہوئے کہا ہے کہ خود ساختہ اور من پسند سروے حکمرانوں کی عوام دشمنی پر پردہ ڈالنے کی ناکام کوشش ہے۔ایک بیان میں نیر بخاری ... تفصیل