نواز شریف کی شاہد خاقان عباسی کو درخواست ضمانت دائر کرنے کی ہدایت
خیبرپختونخوا کابینہ سے تین وزراءکوفارغ کرنے بعد 9اراکین اسمبلی کے خلا ف کاروائی کافیصلہ
پی ایس ایل کے پانچویں ایڈیشن میں ٹیم کی قیادت شاداب خان کریں گے، انتظامیہ کا اعلان
وزیراعلیٰ کے خلاف بغاوت کا الزام ،خیبر پختون خوا کابینہ سے 3 وزراءفارغ
وزیراعظم کامیاب جوان پروگرام کے تحت قرض کی تقسیم کا عمل تیز ،سندھ میں بھی قرض کی فوری ادائیگی کا فیصلہ
بلاول بھٹو کاوسطی پنجاب میں بھرپور سیاسی سرگرمیاں شروع کرنے کا فیصلہ
تازہ تر ین

قومی اسمبلی ،وزیر مملکت برائے داخلہ شہریار آفریدی اور رانا ثنا ءﷲ آمنے سامنے

اسلام آباد (نیوزڈیسک) وزیر مملکت برائے داخلہ شہریار آفریدی نے کہا ہے کہ یہ ثابت ہو کر رہے گا رانا ثنااللہ کے خلاف کیس حقیقت ہے ، حکومت اور وزارت ان کو اس کیس سے بھاگنے نہیں دیں گی۔ قومی اسمبلی میں اظہار خیال کرتے ہوئے شہریار آفریدی نے کہا کہ رانا صاحب! آپ نے سات ماہ حیلے بہانے بنائے، ویڈیو کی بات کی گئی، ویڈیو تو رانا مشہود اور ایان علی کے کیس میں بھی موجود تھیں، رانا صاحب! آپ تیاری کریں، 18 تاریخ کو مقدمہ ہے اور جب مقدمہ شروع ہوگا تو دودھ کا دودھ پانی کا پانی ہو جائےگا۔انہوں نے کہا کہ رانا ثنا اللہ کو احساس ہونا چاہیے کہ عدالت کا فیصلہ عدالت میں ہوگا، یہ معاملہ پارلیمنٹ اور میڈیا سے حل نہیں ہوگا، رانا صاحب قرآن ہاتھ میں اٹھاتے ہیں اس پر عمل بھی کیا کریں جبکہ ماڈل ٹاﺅن کے متاثرین بھی قرآن اٹھا کر رانا ثنااللہ سے انصاف مانگ رہے ہیں۔شہریار آفریدی نے کہاکہ آئین اور قانون کی پاسداری اولین ترجیح ہونی چاہیے، میں نے کسی بھی جگہ کوئی قسم کھائی ہو تو جو چور کی سزا وہ میری سزا، میں نے کہا جان اللہ کو دینی ہے اس پر مذاق اڑایا گیا لیکن یہ ثابت ہو کر رہے گا رانا ثنااللہ کے خلاف کیس حقیقت ہے۔’انہوں نے رانا ثنااللہ کو مخاطب کرتے ہوئے کہا کہ ایوانوں میں کسی کو ٹارگٹ کرنے نہیں آئے لیکن حکومت اور وزارت آپ کو اس کیس سے بھاگنے نہیں دے گی۔انہوں نے کہاکہ قرآن اٹھاکر، جھوٹ کے مختلف طریقوں کی بجائے قرآن کی تعلیمات پر عمل کریں ،18 تاریخ کو ٹرائل شروع کرنے دیں ، حق ہمیشہ ابھر کر سامنے آتا ہے ،اللہ ہمیں حق کا ساتھ دینے کی توفیق عطا فرمائے۔ انہوں نے کہاکہ میری غیر موجودگی میں رانا ثناءنے بات کی میں ذاتی وضاحت پر بات کررہا ہوں ،ہمارا ایمان ظالم کے آگے ڈٹنا ہے اور ڈٹے رہیں گے ،خود ن لیگ کے ارکان مجھے نر کا بچہ کہتے ہین، نر کا بچہ وہ ہے ظالم کے آگے ڈٹ جائے ۔بعد ازاں رانا ثناءاللہ نے اسمبلی میں اظہار خیال کیا ،رانا ثناءاللہ کی تقریر کے آغاز پر حکومتی ارکان کے ماڈل ٹاﺅن، ماڈل ٹاﺅن کے نعرے لگائے گئے ،پینل آف چیئر سید فخر امام نے حکومتی ارکان کو چپ کرادیا۔رانا ثناءاللہ نے اظہار خیال کرتے ہوئے کہاکہ ماڈل ٹاﺅن کا مقدمہ اینٹی ٹیر رسٹ کورٹ لاہور میں ٹرائل ہو رہا ہے ،ماڈل ٹاﺅن کا مقدمہ عدالت میں زیر سماعت، عدالت کا فیصلہ فریقین کیلئے قابل قبول ہوگا،اگرحکومت ماڈل ٹاﺅن پر کوئی اور انکوائری کرنا چاہے تو تیار ہیں ۔ انہوں نے کہا کہ رانا ثنا کے پاس فائل ہے آج قرآن پاک نہیں ہے ،اللہ نے قرآن پاک میں قسم بارے کہہ دیا ہے اگر جھوٹ بولوں تو قہر نازل ہو ،میں رب ذوالجلال کے ناموں کے نیچے حاضر ناظر جان کر کہتا ہوں کہ زندگی میں کسی ڈرگ فروش سے تعلق رکھا ہو یا کسی کی سفارش کی ہو مجھ پر قہر نازل ہو۔ انہوں نے کہاکہ جس دن مجھے اے این ایف کے لوگوں نے گرفتار کیا اور 16 گھنٹے حراست میں رکھنے کے دوران ایک بات بھی کیس سے متعلق نہیں کی۔ انہوں نے کہاکہ جب اے این ایف کے اہلکاروں کو خود پتہ نہیں تھا کہ کیوں پکڑا؟ جب کوئی تفتیش یا انکوائری نہیں ہوئی تو ٹرائل کیسا؟اس مقدمے تفتیشی نے یہ کہا ہو کہ کیس آپ پر یہ ڈال رہے ہیں ، ریمانڈ لیا ہو؟ تو میں اپنی بات واپس لے لیتا ہوں مجھ پر الزام افغانستان سے فیصل آباد اور فیصل آباد سے لاہور اور پھر دنیا بھر میں ہیروئن پھیلائی جارہی ہے ۔ انہوں نے کہاکہ اتنا بڑا ادارہ ہے میں چھ ماہ سے جیل میں ہوں، ایک بھی بندہ گرفتار کرکے مجھ سے تعلق ثابت کیا گیا؟ ،شہریار خان آفریدی بھی جانتے ہیں سب کچھ، صرف ادھر ادھر کی ہانک کر جذباتی بات کررہے ہیں،اگر وہ سمجھتے ہیں کہ وہ سچے ہیں تو پھر ان پاک ناموں کے نیچے حلف اٹھائیں،وہ قرآن پر ہاتھ کر اسی قہر کے الفاظ دہرائیں تو اللہ پاک خود فیصلہ کردے گا ۔پینل آف چیئر فخر امام نے کہاکہ راناثناءاللہ نے اپنی صفائی پیش کی اس کے بعد وزیر نے اپنی ذاتی وضاحت دی ،اس کے بعد پھر ممبر نے اس کا جواب دیا ،قواعد کے مطابق کوئی بھی زیر سماعت معاملہ ایوان میں زیر بحث نہیں لایا جاسکتا ،شہریار آفریدی کے اعتراض پر پینل آف چیئر نے جھاڑ دیا ۔ انہوں نے کہاکہ جب سپیکر بات کررہے ہوں تو پھر کسی دوسرے کو بات کی اجازت نہیں دی جاسکتی ،اس بحث کو اب یہاں ختم ہونا چاہیے اب اس کا فیصلہ عدالت نے کرنا ہے ،اس ایوان میں فیصلہ قرآن پر نہیں ہوسکتا، دونوں سائیڈ سے ارکان اپنی نشستوں پر بیٹھ جائیں ،سپیکر چیئر سے رولنگ دی جاچکی ہے،انہوں نے کہاکہ اب بات قرآن پر آگئی ہے لہذا اس معاملے کو ختم کیا جاتا ہے ۔ دور ان اجلاس خواجہ آصف ایوان میں قرآن لے آئے، رانا ثناءکو قرآن پاک دیا تو شہریار آفریدی نے رانا ثنا ءسے قرآن لے لیا ،شہریار آفریدی سے مفتی صلاح الدین ایوبی نے قرآن لے لیا۔پینل آف چیئر نے تنازعہ روکنے کے لئے اجلاس کی کارروائی10 منٹ کے لیے موخر کردی۔بعد ازاں وزیر سیفران نے ایک بار پھر قران پاک منگوالیا اس موقع پرپینل آف چیئر کی جانب سے روکنے کی کوشش کی گئی اور کہاکہ یہ روایت ایک رکن نے ڈالی تھی، شہریار آفریدی چاہتے ہیں کہ وہ قران پاک پر بات کریں۔ شہر یار آفریدی نے کہاکہ میں قران مجید کو حاضر ناظر کہہ کر کہتا ہوں کہ رانا ثناءاللہ کے خلاف نہ میں نے اور نہ وزیراعظم نے کوئی سازش کی، اگر میں ایک کوئی سازش کی ہو تو مجھ پر اللہ کا قہر نازل ہو۔ بعد ازاں قومی اسمبلی کا اجلاس بدھ کو دن 11 بجے تک ملتوی کر دیا گیا ۔

مزید خبر یں

لاہور( نیوزڈیسک) وزیر اعظم کے معاون خصوصی برائے امور نوجوانان عثمان ڈارنے کہاہے کہ نوجوانوں کےلئے روزگار کے بھرپورمواقع پیدا کرنے کےلئے حکومت کامیاب جوان پروگرام کے تحت مزید چارمنصوبے شروع کرے گی۔سرکاری ریڈیو کے مطابق عثمان ڈار نے کہا کہ متعلقہ پروگرام کے تحت ہرنیامنصوبہ ... تفصیل

لاہور( نیوزڈیسک) وزیر اعظم عمران خان نے ایک بار پھر وزیر اعلیٰ پنجاب سردار عثمان بزدار پر بھرپور اعتماد کا اظہار کرتے ہوئے کہا ہے کہ عثمان بزدار ہی وزیر اعلیٰ رہیں گے،عثمان بزدار کو ہٹایا تو نئے وزیراعلی کو بھی ایسے ہی ہٹا دیا جائے ... تفصیل

اسلام آباد (نیوزڈیسک) چیئر مین سینیٹ محمد صادق سنجرانی نے کہا ہے کہ بلوچستان میں وزیراعظم اور سپیکر کے درمیان مسئلہ حل کردیا ہے،جام صاحب ہماری پارٹی کے سربراہ ہیں ،وہی ہمارے وزیراعلی رہیں گے،ہم جام کمال خان کی کارکردگی سے مطمئن ہیں۔اتوار کو چیئرمین سینیٹ ... تفصیل