نوازشریف کی میڈیکل رپورٹ نارمل، پنجاب حکومت کو بھجوادی              کرائسٹ چرچ واقعہ: جیسنڈا آرڈرن کا حملے کی تحقیقات کے لیے رائل کمیشن بنانے کا اعلان       
تازہ تر ین

سرفراز احمد پر قسمت کی دیو ی مہربان کپتان نے دنیائے کرکٹ میں بڑے بڑے کپتانوں کو پیچھے چھوڑ دیا ، ناقابل یقین اعزاز اپنے نام کرلیا

اسلام آباد(نیو زڈیسک)سرفراز احمد ٹیسٹ میں پیئر کرنے والے چوتھے پاکستانی کپتان بن گئے ہیں، وہ میچ کی دونوں اننگز میں ایک بھی رن بنانے میں ناکام رہے ۔تفصیلات کے مطابق اس سے قبل امتیاز احمد انگلینڈ کیخلاف 1962کے ڈھاکا ٹیسٹ کی دونوں اننگز میں صفر کی خفت کا شکار ہوئے تھے، راشد لطیف جنوبی افریقہ کیخلاف پورٹ الزبتھ ٹیسٹ 1998 ،وقار یونس آسٹریلیا سے شارجہ ٹیسٹ 2002میں کوئی رن نہ بنا سکے تھے۔واضح رہے کہ جنوبی افریقہ میں جاری پہلے ٹیسٹ میچ میں اپنی دوسری اننگ میں قومی ٹیم 190 رنز بنا کر پویلین لوٹ گئی ۔ساؤتھ افریقہ کو جیت کیلئے 149 رنز کا آسان ہدف دیدیا۔تفصیلات کے مطابق قومی ٹیم کی بیٹنگ لائن ایک بار پھر جنوبی افریقی باؤلرز کے سامنے ریت کی دیوار ثابت ہوئی اور پوری ٹیم صرف 190رنز پر آؤٹ ہو گئی ۔پاکستان کی دوسری اننگز جنوبی افریقہ کے پہلی اننگز کے 223 رنز کے جواب میں قومی ٹیم کی جانب سے فخر زمان اور امام الحق نے اننگز کا آغاز کیا۔اور 44 رنز کے مجموعی اسکور پر فخر زمان 12 رنز بنا کر اولیور کی گیند کا شکار ہو گئے اور پویلین لوٹ گئے ۔ امام الحق کا ساتھ دینے کیلئے وکٹ پر شان مسعود آئے اور دونوں کے درمیان 57 رنز کی پارٹنرشپ بنی اس موقع پر امام الحق کی ہمت جواب دے گئی اور اولیور کی گیند پر 57 رنز بنا کر پویلین لوٹ گئے ۔وکٹ پر موجود شان مسعود کا ساتھ دینے کیلئے تجربہ کار بلے باز اظہر علی آئے اور اسکورر کو زحمت دیے بغیر پویلین لوٹ گئے ۔انہیں بھی الیور نے آؤٹ کیا ۔ بعد میں آنے والے کھلاڑیوں میں اسد شفیق 6 ، بابر اعظم 6 رنز بنا کر بالترتیب ڈیل اسٹین اور کیگیسو ربادا کی گیند پر آؤٹ ہوئے۔ کپتان سرفراز احمد پہلی اننگز کی روایت کو قائم رکھتے ہوئے پھر صفر پر آؤٹ ہوے انہیں ربادا نے ڈوپلیسی کی مدد سے آؤٹ کیا۔سرفراز احمد کے آؤٹ ہونے کے بعد شان مسعود کا ساتھ دینے کیلئے محمد عامر آئے اور 12 رنز بنا کر ربادا کا شکار بنے ۔یاسر شاہ بھی ایک گیند کے مہمان ثابت ہوئے اور صفر پر اولیور کی گیند پر ڈی کوک کے ہاتھوں کیچ آؤٹ ہوگئے ۔نویں آؤٹ ہونے کھلاڑی شان مسعود تھے جنہوں نے 65 رنز کی اننگز کھیلی ،شان مسعود ڈیل اسٹین کے ہاتھوں آؤٹ ہوئے ۔آخری آؤٹ ہونے کھلاڑی شاہین شاہ آفریدی تھے جو اولیور کی گیند پر سلی پوائنٹ میں مارکرم کے ہاتھوں کیچ ہو کر پویلین لوٹ گئے ۔جنوبی افریقہ کی جانب سے اولیور نے ایک پھر شاندار کارکردگی دکھاتے ہوئے 5 کھلاڑیوں کو آؤٹ کیا ،انہوں نے پہلی اننگز میں بھی 6 کھلاڑیوں کو آؤٹ کیا تھا ۔ کگیسو ربادا نے 3 جبکہ ڈیل اسٹین نے 2 کھلاڑی پویلین بھیجے ۔جنوبی افریقہ کی پہلی اننگز افریقہ کی جانب سے اننگز کا آغاز ایڈم مارکرم اور ڈین ایلگر نے کیا ،اور 19 کے مجموعی اسکور پر ایڈم مارکرم 12رنز بنا کر حسن علی کی گیند پر پویلین لوٹے ۔ اس کے بعد آؤٹ ہونے والے کھلاڑی ہاشم آملہ آٹھ رنز بنا کر محمد عامر کی گیند کا نشانہ بنے ۔چوتھے آؤٹ ہونے والے کھلاڑی ڈین ایلگر تھے جو 22رنز بنا کر شاہین شاہ آفریدی کا نشانہ بنے ، اسٹار باؤلر شاہین شاہ آفریدی نے اگلی ہی گیند پر فاف ڈوپلیسی کو بھی پویلین بھیج کر پاکستان کی میچ میں گرفت مظبوط کر دی لیکن بعد میں پانچویں وکٹ کی شراکت داری جنوبی افریقہ کو میچ میں واپس لے آئی ۔براؤن اور بواما کے درمیان 67 رنز کی شراکت داری قائم ہوئی ۔پانچویں اور آج کے دن کی آخری وکٹ براؤن گری جو محمد عامر کی گیند پر 112کے مجموعی اسکور اور 29رنز کے انفرادی اسکور پر آؤٹ ہوئے ۔پہلے دن کھیل کے اختتام پر جنوبی افریقہ نے 5 وکٹیں گنوا دیں تھی ۔دوسرے دن کھیل کے آغاز ہوا تو محمد عامر نے ٹیم کو پہلی کامیابی ڈیل اسٹین کی صورت میں دلائی جو 23 رنز بنا کر پویلین لوٹے ، بواما ساتویں آؤٹ ہونے والے کھلاڑی تھے جنہوں نے 53 رنز کی شاندار باری کھیلی وہ شاہین شاہ آفریدی کا نشانہ بنے ۔جنوبی افریقہ کی آٹھویں وکٹ مہاراج کی صورت میں گری جو 4 رنز بنا حسن علی گیند پر ایل بی ڈبلیو آؤٹ ہوئے ۔نویں آؤٹ ہونے والے کھلاڑی کگیسو ربادا تھے جو 19 رنز بنا شاہین شاہ آفریدی کی گیند پر اسد شفیق کے ہاتھوں کیچ ہو کر پویلین لوٹے ۔آخری اور دسویں وکٹ کوئنٹن ڈی کوک کی شکل میں گری جو محمد عامر کی گیند پر فخر زمان کو کیچ دے بیٹھے لیکن تب تک جنوبی افریقہ نے 223 رنز بنا لیے تھے پاکستان پر 42 رنز کی برتری حاصل کر لی تھی ۔پاکستان کی جانب سے محمد عامر اور شاہین شاہ آفریدی نے 4،4 جبکہ حسن علی نے 2 کھلاڑیوں کو پویلین کی راہ دکھائی ۔اس سے قبل پاکستان نے پہلی اننگز میں ٹاس جیت کر پہلے بیٹنگ کرنے کا فیصلہ کیا اور اور پوری ٹیم 181 رنز بنا کر پویلین کی جانب لوٹ گئی ، ایک موقع پر پاکستان کے 111 رنز پر 8 کھلاڑی پویلین لوٹ گئے تاہم بابر اعظم کے 71 رنز کی بدولت پاکستان نے میچ میں کم بیک کیا اور 181 رنز کا مجموعہ بورڈ پر سجایا۔ پاکستان کی جانب سے امام الحق اور فخر زمان نے اننگز کا آغاز کیا ۔ اننگز کے آغاز میں پاکستان نے اوپنر امام الحق کو کھو دیا جو بغیر کھاتہ کھولے آؤٹ ہو گئے ۔ساتھی اوپنر فخر زمان بھی وکٹ پر تھوڑی دیر کے مہمان ثابت ہوئے اور 12 رنز بنا کر ڈیل اسٹین کا نشانہ بنے۔ تیسرے آؤٹ ہونے والے کھلاڑی شان مسعود تھے جنہوں نے 19 رنز بنائے اور اولیور کی گیند پر آؤٹ ہو گئے۔چوتھے آؤٹ ہونے والے کھلاڑی اسد شفیق تھے جنہوں نے صرف 7 رنز بنائے اور ایک بار پھر اولیور کی گیند پر ایل بی ڈبلیو ہو کر پویلین کو چلتے بنے ۔اظہر علی کا ساتھ دینے کیلئے وکٹ پر بابر اعظم آئے لیکن اظہر علی ہی آؤٹ یو گئے انہوں نے 36 رنز بنائے ۔چھٹے آؤٹ ہونے والے کھلاڑی کپتان سرفراز احمد بھی اسکورر کو زحمت دیے بغیر پویلین لوٹ گئے ۔ساتویں آؤٹ ہونے والے کھلاڑی محمد عامر تھے جو 1 رنز بنا کر اولیور کی گیند پر بولڈ ہو گئے ۔ یاسر شاہ بھی زیادہ دیر وکٹ ہر ٹک نہ سکے اور انہوں نے صرف 4 رنز بنائے اور ربادا کی گیند پر آؤٹ ہو گئے ۔نویں آؤٹ ہونے والے کھلاڑی بابر اعظم تھے جنہوں نے 90 کے اسٹرائیک ریٹ کیساتھ 71 رنز بنائے اور ربادا کی گیند پر آؤٹ ہوئے ۔آخری آؤٹ ہونے والے کھلاڑی شاہین شاہ آفریدی تھے جو کھاتہ کھولے بغیر پویلین لوٹ گئے جبکہ حسن علی 21 رنز بنا کر ناٹ آؤٹ رہے ۔جنوبی افریقہ کی جانب سے پاکستان کیخلاف اپنا پہلا ٹیسٹ کھیلنے والے اولیور نے6 ، کگیسو ربادا نے 3 جبکہ ڈیل اسٹین نے 1 کھلاڑی کو آؤٹ کیا۔ خیال رہے کہ قومی ٹیم کے پاس ٹیسٹ سیریز جیت کر رینکنگ میں اپنی پوزیشن بہتر بنانے کا موقع موجود ہے ۔دونوں ٹیمیں اب تک 23 ٹیسٹ میچز کھیل چکی ہیں جن میں چار میچز میں پاکستان جبکہ 12 میچز میں جنوبی افریقہ کامیاب رہا ہے جبکہ سات میچز ڈرا ہوئے ہیں۔

مزید خبر یں

بیونس آئرس(نیوز ڈیسک)انٹرنیشنل فرینڈلی فٹ بال میچز میں لیونل میسی بھی ارجنٹائن کو وینزویلا کے ہاتھوں شکست سے نہ بچا سکے۔انٹرنیشنل فرینڈلی فٹ بال میچز کے سلسلے میں کھیلے گئے ایک میچ میں وینزویلا نے عمدہ کارکردگی کا مظاہرہ کرتے ہوئے ارجنٹائن کو 1 کے مقابلے ... تفصیل

لاہور(نیوز ڈیسک) قومی کرکٹ ٹیم کے فاسٹ بولر محمد عامر کی خراب پرفارمنس سے پریشان ٹیم انتظامیہ اور سلیکٹرز سر پکڑ کر بیٹھ گئے ۔ تفصیلات کے مطابق مئی سے شروع ہونے والے ورلڈ کپ کیلئے پاکستانی ٹیم کا اعلان 12 اپریل کو راولپنڈی میں ختم ... تفصیل

میڈرڈ (نیوز ڈیسک)ارجنٹینا کے لیونل میسی اور پرتگال کے کرسٹیانو رونالڈو فیفا ورلڈ کپ 2018 کے بعد پہلی مرتبہ اپنی قومی ٹیم کی جانب سے کھیلیں گے۔غیر ملکی نشریاتی ادارے کی رپورٹ کے مطابق لیونل میسی 29 مارچ کو میڈرڈ میں وینیزویلا کے خلاف دوستانہ میچ ... تفصیل